Jeremías 32:1 - Tayta Diospa Wilakuynin

¹ Kaychömi qelqaraykan Jeremíasta Tayta Dios nishqan. Say wisanmi Sedequías chunka watana Judá nacionpa mandaqnin rey kaykarqan. Nabucodonosornami chunka puwaq watana Babiloniapa mandaqnin rey kaykarqan.

Jeremías 32:1 ပူးပေါင်းရင်းမြစ်များ

2 Crónicas 36:11

Sedequías ishkay chunka juk (21) watayuq kaykarmi rey kayta qalaykurqan. Payqa chunka juk watami Jerusalénpita mandarqan.

Jeremías 21:1

Kaychömi qelqaraykan Jeremíasta Tayta Dios wilakasishqan. Say junaqmi rey Sedequíasqa Jeremías kaqman kacharqan Malquíaspa surin Pasurta y Maasíaspa surin cüra Sofoníasta. Chaykurmi Jeremíasta niyarqan:

Jeremías 25:1

Josíaspa surin Joacim Judá nacionpa mandaqnin rey chusku watana kaykaptin y Babilonia nacioncho Nabucodonosor mandayta qalaykushqan watami Tayta Diospa wilakuqnin profëta Jeremías

Jeremías 27:1

Josíaspa surin Sedequías Judá nacionpa mandaqnin rey kayta qalaykunan wisanmi Jeremíasta Tayta Dios nirqan:

Jeremías 34:1

Jerusalén markata y intëru Judá nacioncho kaykaq markakunata Babilonia nacionpa mandaqnin rey Nabucodonosor soldädunkunawan y munaynincho kaq nacionkunapa soldädunkunawan atacaykaptinmi Jeremíasta Tayta Dios nirqan:

Jeremías 52:29

Chunka puwaq watana rey kaykarmi Jerusalénpita Nabucodonosor prësu apasirqan puwaq pachak kimsa chunka ishkay (832) runakunata.