7 <
Israel nación runakuna jusalikuyaptinpis payqa manami jusalikursu kawarqan. Saypa trukanqa papänin yärakushqan Tayta Diospa mandamientunkunata cäsukurmi kawarqan.
Tayta Dios, musyämi jusaynaq kashqaykita y lapantapis munashqaykino kamakäsishqaykita. Kanan tapukushayki: ¿Imanirtaq fiyu runakuna rïcuyäyan? ¿Imanirtaq mana cäsushuqniki runakuna kushish kawayan?
<<¿Tantiyankiku akrashqä Israel y Judá runakunata kachariykushqäta runakuna parlaykäyashqanta? Sayno parlarmi manakaqman churar naciontanönasu rikayan.
Israel runakuna y Judá runakuna yapay yapay promitiykäyämarpis manami cumpliyansu. Noqa Tayta Diosmi sayno nï.
Samaria markami mayor nanayki kaykan. Payqa norti kaqlächömi wawankunawan tarqan. Shulka nanaykinami Sodoma marka kaykan. Payqa sur kaqlächömi wawankunawan tarqan.
Paykunata rikakurmi jusalikur qalaykushkanki. Sayno jusalikurmi paykunapita peor lutan ruraykunaman churakashkanki.
Kuyashqä runakuna noqapita jiwashqami kaykäyan. Munayyuq Dios kashqäta niyashpanpis janan shonqulami sirviyäman.
1 (2) Israel runakuna, jusalikuyashqaykipitami castïguman chäyashkanki. Sayno kaykarqa kuyashuqniki Tayta Diosman kutikuyay.
Yakuynaq markakunacho taq runakunami yakuyuq markakunaman aywayarqan yaku manakuq. Saycho yakuta upurpis manami jimayarqansu. Sayno castigaykaptïpis manami perdonta manakayämashkankisu>>. Tayta Diosmi sayno nin.
Tayta Dios nishqanta cumpliyänanpaq promitirpis Judá runakuna manami cumpliyansu. Saymi Jerusaléncho y intëru Israelcho ïduluta adoraq warmikunawan penqaypaq taykäyan. Sayno rurarmi Tayta Dios kuyashqan templunta manakaqman churaykäyan.
