Jeremías 27:19 - Tayta Diospa Wilakuynin

^19-21 <

Jeremías 27:19 ပူးပေါင်းရင်းမြစ်များ

1 Reyes 7:23

Saynöpis yakuta shuntayänanpaqmi Hiram rurarqan broncipita fundiypa lamar niyashqan jatunkaray redondu lavatoriuta. Say lavatoriupa anchuyninmi karqan chusku metru pulan. Altuyninnami karqan ishkay metru y 25 centïmetru. Kuchunta tumaypa tupuptinmi karqan chunka kimsa metru pulan (13.5).

1 Reyes 7:27

Saynöpis broncipita rurarqan chunka carrëtakunata. Carrëtakunapa larguynin y anchuynin karqan ishkay metru 80 centïmetru y altuyninnami karqan juk metru 35 centïmetru.

2 Reyes 25:13

Saynöpis pakiykarmi ushayarqan templucho broncipita rurash jatunkaray columnakunata, carrëtakunata y lamar niyashqan jatunkaray lavatoriutapis. Nirkurnami say pakiyashqan broncita Babiloniaman apakuyarqan.

2 Reyes 25:17

Templu punkucho columnakunaqa puwaq metruno largumi kayarqan. Columna puntancho ishkay metrunömi broncipita rurash tumaypa adornun karqan. Say adornuqa intëru kuchunpa awash shikra niraqmi kaykarqan. Shikrapita warkuränanpaqmi broncipita rurash granäda niraqkunapis kayarqan. Jukaq columnapis say niraqlami karqan.

2 Crónicas 36:18

Saypitanami templupita lapan manëjukunata jatuntapis takshatapis apakuyarqan. Saynölami templupita, reypa palaciunpita y reypa mandäsiqninkunapa wayinkunapitapis kuyaylapaq kaqkunata apakuyarqan. Lapan saykunatami Babiloniaman apakuyarqan.

Lamentaciones 1:10

Jerusalénpita imaykatapis alinnin kaqtaqa contrankunami apakuyash. Jäpa runakuna templuman mana yaykuyänanpaq Tayta Dios nikaptinmi lutala yaykuyash.

Daniel 1:2

Tayta Diosmi kachaparirqan rey Joacimta Nabucodonosor prësu sarinanpaq y Diospa templuncho kaykaq wakin manëjukunata apakunanpaq. Saykunatami Babiloniaman apaykur diosninkunapa templuncho kaq almacén cuartuman churarqan.