Jeremías 23:9 - Tayta Diospa Wilakuynin

⁹ Kaychömi qelqaraykan profëta tukuqkunapaq Jeremías wilakushqan. Pasaypa lakikuymi sariman. Tulükunapis pasaypami marmaryan. Tayta Dios nishqanta musyarmi selläma mansakar shinkashno rikakü.

Jeremías 23:9 ပူးပေါင်းရင်းမြစ်များ

Salmo 60:3

3 (5) Noqakunataqa nakaymanmi churaykayämashkanki. Castïguykiwanmi vïnu upush runano upatakash kaykäyä.

Salmo 69:20

20 (21) Qayapäyämashqanpitami shonqüpis pasaypa jaqayash kaykan. Saymi imata ruranäpaqpis gänasnï ni kalpäpis kannasu. Kuyapämar yanapämänanpaq mayjina ashirpis manami pitapis tarishkäsu.

Isaías 28:1

¡Wawalaw, Samaria marka! Ali wayuq chakra janaqan lömachömi sharkasish kaykanki. Say lömacho kuyaylapaq marka karmi Efraín runakunapa corönanno kaykanki. Qamcho taqkunaqa vïnuta upyaykälarmi qoyarkuyanpis. Shinkar runa tukuykäyashqanchömi kuyaylapaq wayta wanuytaqno ushakäyanqa.

Isaías 29:9

Chikishuqnikikunata Tayta Dios sayno ushakäsinanpaq kashqanta ¿manaku criyiyanki? Mana criyirqa qaprayashnömi kaykäyanki. Ima shinkäsikuqkunata mana upuykarpis shinkashnömi lutankunalata yarpachakuykäyanki.

Isaías 51:21

Jerusalén runakuna, musyämi lakikur shinkashno kayashqaykita. Manami vïnuwansu machashno kaykäyanki, sinöqa Diospa castïgunwanmi. Tayta Dios nishushqaykita kanan shumaq wiyayay.

Isaías 6:5

Saymi pasaypa mansakash nirqä: <<¡Ay taytay! ¡Kananqa wanukushaqchir! ¡Lutankunata parlaq kaykar y manakaqkunata parlaq runakunawan shuntakaq kaykarmi mandaq Reyta rikaykushkä! ¡Pay kaykan lapanta mandaq Tayta Diosmi!>>

Jeremías 20:9

Saymi nirqä: <>. Sayno niptïpis wilakuyniki shonqücho nina rupaykaqnöraqmi kaykan. Tulüyaqraqmi say rupashqan chaykush. Upälakuyta munarpis manami kamäpaküsu.

Jeremías 36:16

Liyipar ushaskiptinmi mansakash rikänakuskir Baructa niyarqan: <>.

Jeremías 5:31

Profëtakunapis lulakuykäyanmi. Cürakunapis shonqunkuna yarpashlantami yachaykäsiyan. Sayno kayaptinpis qamkunataqa manami imapis qokuyäshunkisu. Saypa trukanqa paykuna sayno kanantami munaykäyanki. Ushakäyänayki junaq chämuptin ¿imanöparaq salvakuyanki?>>

Jeremías 8:18

Tayta Dios sayno niptinmi shonqüpis pasaypa lakikuylawan sapakayparaq nanäman.

Jeremías 9:1

1 (8.23) ¡Imanöparaq weqï yakunöraq kanman! ¡Nawïpis pukyunöraq kanman! Sayno kaptinqa marka mayïkunata wanusiyashqanpita paqasta junaqtami lakikur waqäman.

Lamentaciones 3:15

Fiyupa lakikuylamanmi Tayta Dios churamash. Ayaq ilawrutami upusimashqapis.

Ezequiel 13:3

Tayta Diosmi nin: ¡Wawalaw, yarpayniynaq upa profëtakuna! Qamkuna yarpaylaykikunapitami lutankunata wilakuykäyanki.

Ezequiel 9:4

nirqan: <>.

Ezequiel 9:6

Awkinkunata, maqtakunata, jipashkunata, wamrakunata y warmikunatapis lapanta wanusiyämuy. Señalash kaqkunata isanqa ama wanusiyankisu. Templu patiucho kaykaq runakunapita qalaykur wanusiyanki>>. Sayno niptinmi templu patiu punkucho kaykaq mayor runakunata wanusiyarqan.

Daniel 8:27

Sayno nimaptinmi noqa Daniel pasaypa mansarishpä kalpaynaq rikakur aska junaq qeshyarqä. Saypita aliyarkurnami rey nimashqanta yapay rurarqä. Isanqa say rikashqä imapaq kashqantapis mana tantiyarmi fiyupa lakikurqä.

Habacuc 3:16

Shamushqaykita wiyashpä pasaypami mansarishkä. Wirpäpis pasaypami katatash. Tulükunapis pasaypami qotukash. Valornïpis pasaypami ushakäkush. Sayno kaptinpis conträkunata ushakäsinaykipaq kashqanta musyarmi qamman yärakaykämü.

Romanos 7:9

Nawpataqa say leykunata manaraq musyar jawkalami kawakurqä. Diospa leyninkunata musyaptïnami isanqa jusalikuy munayyuq rikakuptin wanush japuyna rikakurqä.