Jeremías 23:6 - Tayta Diospa Wilakuynin

⁶ Paypa jutinmi kanqa Salvamaqninsi Tayta Dios. Mandaq kashqan wisanmi Judá runakuna y Israel runakuna jawkala kawayanqa>>.

Jeremías 23:6 ပူးပေါင်းရင်းမြစ်များ

1 Reyes 4:25

25 (5.5) Salomón kawashqanyaqqa Judácho y Israelcho taq runakuna Danpita Beersebayaq kushishqami kawayarqan. Saymi üvankuna rurincho y hïgusninkuna chakincho jawkala jamapäyarqan.

Salmo 45:5

5 (6) Qampa flëchaykikuna llawchi puntami kaykäyan. Flëchaptiki contraykikunapa shonqunmanmi yaykukuykun. Lapan contrayki nacionkunatami vincinki.

Éxodo 9:26

Sayno tamyaykarpis Israel runakuna taykäyashqan Gosén partimanmi isanqa charqansu.

Isaías 2:4

Aska nación runakuna chikinakuyaptinpis Tayta Diosmi arreglanqa. Say nacionkuna jatun kayaptinpis paymi juzganqa. Juk markawan juk marka guërrata manami rurayanqanasu. Guërracho pelyayänanpaqpis manami kamarikuyanqanasu. Maysaychöpis runakuna espädankunapitami planchonkunatana rurasiyanqa. Lanzankunapitanami ösita rurasiyanqa.

Isaías 32:1

Juk reymi kanqa shumaq juzgashpan ali mandaq. Yanapaqnin autoridäkunapis shumaqmi juzgayanqa.

Isaías 32:18

<

Isaías 33:22

Tayta Diosmi juezninsi. Tayta Diosmi leykunata qomashkansi. Tayta Diosmi mandamaqninsi rey. Paymi contrapartinsikunapita sapämäshun.

Isaías 33:5

Munayyuq Tayta Dios jana pasachömi kaykan. Paymi Sióncho taq runakunata alita rurayänanpaq yachasin.

Isaías 35:9

Saypaqa leonkunapis manami puriyanqasu. Jatusaq chucaru uywakunapis manami yaykuyanqasu. Say nänipaqa salvash kaq runakunalami puriyanqa.

Isaías 42:6

<

Isaías 45:17

Noqakunatami isanqa salvayämanki. Salvayämaptikimi chikimaqnïkuna imaypis manakaqman churayämanqanasu.

Isaías 54:17

Saymi mayqan soldädu vinciyäshunaykitapis kachapäshaqsu. Yanapaptïmi imatapis jitapäshuqnikita upälasinki. Lapan sirvimaqkunata kikïmi salvashaq>>. Tayta Diosmi sayno nin.

Isaías 7:14

Saymi kikin Tayta Dios señalta rikasiyäshunki. Juk doncëlla jipashmi qeshyaq rikakur olqu wamrata qeshyakunqa. Say wamrapa jutintami churapanqa Emanuel jutin kananpaq.

Isaías 9:6

6 (5) Tayta Dios sayno salvamäshun juk wamra yuriptinmi. Paymi yurinqa winarkur mandamaqninsi kananpaq. Paypa jutinmi kanqa Admiraypaq Tantiyasimaqninsi, Contrankunata Vinciq Dios, Imayyaqpis Kawaq Taytansi y Ali Kawayta Qomaqninsi.

Jeremías 29:11

Musyämi imano kayänaykipaq kashqantapis. Manami mana ali kawayänaykitasu munä, saypa trukanqa ali kawayänaykitami. Sayno kaykaptinqa lakikuyänaykipa trukan kushikuyay. Noqa Tayta Diosmi sayno nï.

Jeremías 30:10

<

Jeremías 31:23

Israel runakunata kuyaq y lapanta mandaq Tayta Diosmi nin: <

Jeremías 32:37

Niyashqaykinölami kanqa. Seqaypa rabyarmi maysay nacionkunaman qarquyäshayki. Sayno kaptinpis qamkunapita miraqkunataqa say nacionkunapita shuntamushaqmi. Kay nacionman shuntarkamurnami paykunata yanapäshaq jawkana kawayänanpaq.

Jeremías 33:15

Say wisanmi David ayllupita Renuevo niyashqan runata churashaq rey kananpaq. Munashqäno mandarmi kay nacioncho pïmaytapis ali rikanqa.

Jeremías 33:16

Say wisanmi Jerusaléncho y intëru Judácho jawkalana kawayanqa. Saymi Jerusalén markapa jutin kanqa Tayta Diosmi Salvamaqninsi>>.

Ezequiel 21:27

27 (32) Intëru Jerusaléntapis chipyaq ushakäsiptïmi raqälana quëdanqa. Sayno kanqa kachamushqä runa chämur juzgaptinmi. Paypa munayninmanmi lapanta kachapaykushaq>.

Ezequiel 28:26

Wayinkuna rurakur, üvankuna plantakurmi pipis mana wajupash jawkalana saycho kawakuyanqa. Mayqan nación runakunatapis Israel runakunata nakasiyaptinqa castigashaqmi. Saynöpami Tayta Diosnin kashqäta Israel runakuna tantiyakuyanqa> >>.

Ezequiel 38:14

<

Ezequiel 48:35

Markata tumaypa saparaq perqa murällanqa esqun waranqa (9,000) metrumi kanqa. Say markapa jutinmi imayyaqpis kanqa Tayta Dios Täkunan>>.

Daniel 9:24

<

Daniel 9:7

<

Oseas 1:11

11 (2.2) Saymi Judá nación runakuna y Israel nación runakuna juk nacionlana kayanqa. Mandaqnin reytapis juklaylatanami churayanqa. Maysay nacionkunacho kayashqanpita kutiyaptinmi kushikuypaq kanqa. Say junaqtami jutisiyanqa Jezreel jutin kananpaq.

Oseas 1:7

<>.

Oseas 2:18

18 (20) Say wisanmi mana atacayäshunaykipaq pactuta rurashaq jirka uywakunawanpis, pajaqkunawanpis y pachalanpa y lätaypa puriqkunawanpis. Espädapis, flëchapis ni ima armakunapis qam kaqcho manami kanqanasu. Jawkalanami punukunkipaq.

Abdías 1:17

Kawaykar quëdaq runakunami isanqa Sión lömaman amparakuyanqa. Say löma sagrädu kaptinmi Jacobpita miraq runakuna salvakuyashpan herencianta shuntayanqa.

Abdías 1:21

Lapanta vinciskirnami Sión lömaman wisäyanqa Esaúpita miraq runakunata juzgayänanpaq. Tayta Diospa makinchömi lapanpis kanqa.

Sofonías 3:13

Israelcho kawaykar quëdaq runakunaqa mananami lutanta rurayanqanasu. Paykunaqa mananami lulakuyanqanasu ni pitapis engañayanqanasu. Tranquïlu mikukuq uyshakunanömi kayanqa. Manami pipis paykunata mansakasinqanasu>>.

Zacarías 10:6

<

Zacarías 3:10

Say junaqmi cada ünuyki üva jachaykikuna chakincho y hïgus jachaykikuna chakincho vecïnuykikunawan kushish jamakuyankipaq. Noqa lapanta mandaq Tayta Diosmi sayno nï> >>.

Romanos 3:22

Jesucristuman yärakushqami Tayta Dios perdonamashpansi pï kaptinsipis salvamansi.

1 Corintios 1:30

Qamkunataqa Jesucristucho kayänaykipaqmi Tayta Dios salvayäshushkanki. Noqansi raykumi Jesucristuta Tayta Dios churarqan yachayninsi kananpaq, salvamaqninsi kananpaq, perdonamaqninsi kananpaq y rantimaqninsi kananpaqpis.

2 Corintios 5:21

Jusaynaq kaykaptinpis lapan jusansitami Jesucristuta Tayta Dios jitapash. Saymi jusayuq runano noqansi rayku wanuptin paycho kaptinsi jusaynaqtano Tayta Dios chaskimansi.

Filipenses 3:9

Manami leyninkunata cumplishqäpitasu munashqanta ruraqtano Tayta Dios chaskimash, saypa trukanqa Jesucristuman yärakushqäpitami.