Jeremías 23:12 - Tayta Diospa Wilakuynin

¹² Jusalikuyashqanpitami paykunata castigashaq. Sakaycho luska nänipa puriqnömi kayanqa. Tanqariykuyaptin pasaypa kuchpakaqnömi kayanqa. Noqa Tayta Diosmi sayno nï.

Jeremías 23:12 ပူးပေါင်းရင်းမြစ်များ

Job 18:18

Asikyaq pasapitapis sakayman jitarpushqami kanqa. Kay pasapitapis qarqushqami kanqa.

Salmo 35:6

Imaypis sakaypa purir luskakaqno kaykuyäläsun. Tayta Diospa angilnin qatikachäsun.

Salmo 73:18

Paykunaqa pasaypa peligruchömi kaykäyan. Ushakash kayänanpaqmi Tayta Dios destinash.

Salmo 82:5

Mana ali arreglarqa upatakashnömi kaykäyanki. Imata rurayashqaykitapis manami musyayankisu ni tantiyayankisu. Mana ali juzgayaptikimi pasata tuknaraq cimientupis suksukyan.

Éxodo 32:34

Kanan kutishpayki runakunata promitishqä nacionman pushay. Walkishunaykipaq angilnïmi puntaykita aywanqa. Sayno kaptinpis Israel runakuna jusalikuyashqanqa manami saylachösu usharanqa, sinöqa castiganä junaq chämuptinnami paykunata castigashaq>>.

Proverbios 4:19

Runakuna jusalikur kawayashqanqa yanawyaykaq sakaynömi kaykan. Sayno karmi jusalikuyashqantapis tantiyayansu.

Isaías 8:22

Kay pasacho imata ashirpis munayashqanta tariyänanpa trukan nakaylatami tariyanqa. Ima ruraytapis mana kamäpakurmi pasaypa yanawyaykaq sakaychöno kayanqa.

Jeremías 11:23

Anatot runakunata juzganä junaq chämunqanami. Paykunata castigaptï manami ni juklaylapis quëdayanqasu>>.

Jeremías 13:16

Desgracia manaraq chämushqanyaq Tayta Diosta cäsukuyay. Yanawyaykaq sakaycho jirkakunapa qeshpir manaraq tinkakashqaykiyaq jusalikuyashqaykita wanakuyay. Salvayäshunaykipaq kashqanta yarpäyaptikipis mana wanakuyaptikiqa manami salvayäshunkisu.

Jeremías 48:44

Mansariypita qeshpiq kaqqa uchkumanmi jeqanqa. Uchkupita yarquq kaqtanami toqla sarinqa. Say wisanmi moabita runakunata castigashaq. Noqa Tayta Diosmi sayno nï.

Jeremías 50:27

¡Soldädunkunatapis lapanta wanusiyay! Paykunata castiganä junaq chämushnami.

Jeremías 8:12

Melanaypaq jusalikurpis manami ni ima nilarpis penqakuyansu. Manami penqakuytapis yachayansu. Sayno kayashqanpita castigaptïmi wakin runakunawan iwal wanuyanqa. Noqa Tayta Diosmi sayno nï.

Lamentaciones 2:20

Tayta Dios, ima päsaykäyämashqantapis tantiyakuykulay. ¿Alisuraq kaykan kuyar ashmayashqan wawankunata warmikuna mikuyashqan? ¿Alisuraq kaykan cürakunata y profëtakunata templucho wanusiyashqan?

Miqueas 7:4

Paykunachöqa mas respitash runapis kashanöraqmi kaykan. Mas yärakuypaq runapis wallankanöraqmi kaykan. Sayno kayaptinmi jusankuna aypaykämunna. Wilakuq profëtakuna wilakuyashqannölami castigash kayänanpaq kaq junaq chaykämunna. Say wisan imata rurayänanpaqpis manami kamäpakuyanqasu.

Juan 12:35

Sayno niyaptinmi Jesús nirqan: <

Deuteronomio 32:35

Lutanta rurayashqanpita kikïmi juzgashaq. Mana kuyapaypa ushakäsinäpaqmi jusankuna aypaykämunna. Höran chaykämunnami paykunata juzganäpaq>.

1 Juan 2:11

Runa mayinta chikiq kaqqa sakäpakushnömi kaykan. Qapra runa maypa aywashqantapis mana tantiyashqannömi Tayta Dios munashqanno kawananpaqpis tantiyansu.

Judas 1:13

Tukuy niraq qanrata lamar jitamushqannömi paykunapis penqakuypaq kaqkunata ruraykäyan. Qoyllar shikwaqnömi yanawyaykaqman qaykush kayanqa.