Jeremías 22:11 - Tayta Diospa Wilakuynin

¹¹ Judá nacionpa mandaqnin rey Josíaspa surin Salumtami taytanpa trukan rey kaptin prësu apakuyarqan. Paypaqmi Tayta Dios nin: <

Jeremías 22:11 ပူးပေါင်းရင်းမြစ်များ

2 Reyes 23:29

Say wisanmi Egipto nacionpa mandaqnin rey karqan Faraón Necao. Paymi Éufrates mayu kaqläpa soldädunkunawan aywayta munarqan Asiria nacionpa mandaqnin reyta yanapäyänanpaq. Yanapäyänanta mana munarmi michänanpaq soldädunkunawan rey Josíasqa yarquyarqan. Meguiduman chaykur Egipto runakunawan pelyaykaptinmi Josíasta Faraón Necao wanurasirqan.

2 Reyes 23:30

Wanuykasiptinmi ayanta soldädukunapa capitanninkuna carrëtaman jitarkur Meguidupita Jerusalénman apayarqan. Chaykasirmi rurasikushqan sepultüranman pampayarqan. Paypa trukannami surin Joacaztana churayarqan.

2 Reyes 23:31

Joacazqa ishkay chunka kimsa (23) watayuq kaykarmi rey kayman yaykurqan. Payqa kimsa killalami Jerusalénpita mandarqan. Mamanmi karqan Libna markapita Jeremíaspa surin Hamutal.

2 Reyes 23:34

Saypitanami Faraón Necaoqa Josíaspa surin Eliaquimta Jerusaléncho taytanpa trukan rey kananpaq churarqan. Nirkurmi Eliaquimpa jutinta trukasirqan Joacim jutin kananpaq. Joacaztanami Egiptuman apaykur wanushqanyaq prësu sarararqan.

1 Crónicas 3:15

Josíaspa qechpa kaq surinmi karqan Johanán. Saymannami yurirqan Joacim, Sedequíaswan Salum.

2 Crónicas 28:12

Sayno niptinmi Johanánpa surin Azarías, Mesilemotpa surin Berequías, Salumpa surin Ezequías y Hadlaipa surin Amasa tantiyakuyarqan lutanta rurayashqanta. Paykunaqa Efraíncho autoridäkunami kayarqan. Saymi guërrapita kutimuq soldädukunaman aywaykur

2 Crónicas 34:22

Saymi rey kachashqan runakunawan Hilcías aywayarqan Salumpa warmin profetïsa Huldaman tapukuq. Huldapa runan Salum karqan Ticvapa surin y Harhaspa wilkanmi. Saynöpis Salum karqan templucho mödanakunata täpaqmi. Huldaqa runanwan tarqan Jerusalén kuchun mushuq barriuchömi.

Jeremías 22:27

Yurishqayki nacionman mayjina kutimuyta munarpis manami kutiyämunkinasu>>.

Sofonías 1:1

Kaychömi qelqaraykan Tayta Diospa wilakuyninta Sofonías wilakushqan. Sofonías wilakurqan Amónpa surin Josías Judá nacionpa mandaqnin rey kaykashqan wisanmi. Sofonías karqan Cusipa surinmi. Cusi karqan Gedalíaspa surinmi. Gedalías karqan Amaríaspa surinmi. Amarías karqan Ezequíaspa surinmi.