Jeremías 19:5 - Tayta Diospa Wilakuynin

⁵ Baalta adorar surikikunata rupasiyänaykipaqmi altarkunatapis kaycho perqayashkanki. Sayno rurayänaykipaqqa manami mandashkäsu ni nishkäsu ni yarpaylapis yarpashkäsu.

Jeremías 19:5 ပူးပေါင်းရင်းမြစ်များ

2 Reyes 17:17

Paykunaqa surinkunata olqutapis warmitapis sacrificiupaqmi altarcho rupasiyarqan. Tayta Diosta mana wiyakurmi brüju kayman y rikakuq kaymanpis churakäyarqan.

2 Reyes 21:6

Juk diosta adorashpanmi surintapis altarcho Manasés rupasirqan. Saynöpis rikakuq y brüjumi karqan. Payqa almakunawan parlaqkunatapis tapukurqanmi. Sayno mana alikunata rurarmi Tayta Diosta fiyupa rabyanäsirqan.

2 Crónicas 28:3

Say ïdulukunapaqmi Ben-hinom raqracho inciensuwan qoshnisirqan. Saynölami surinkunatapis sacrificiupaq saycho rupasirqan. Sayno rurarmi Tayta Dios unay qarqushqan mana Israel runakunanöla pasaypa jusalikurqan. Say runakunatami Tayta Dios markankunapita qarqurqan Israel runakuna chäyashqan wisan.

Jeremías 32:35

Ben-hinom raqracho altarkunata rurarmi Baal diosta adorayash. Moloc diostapis adorayashpanmi say altarkunacho olquta warmitapis surinkunata rupasiyash. Sayta rurayänanpaq manami nirqäsu ni yarpaylapis yarparqäsu. Sayno rurayashpanmi lapan Judá runakunata jusalikasiyash.

Ezequiel 16:36

Tayta Diosmi nin: Mana penqakuypami qarapachakur waynaykikunawan kakushkanki. Saynöpis ïduluykikunata adoranaykipaqmi wawaykikunatapis altarcho wanusishkanki.

Ezequiel 20:26

Mana ali costumbrikunata rurarmi qechpa wamrankunatapis ïdulukunapaq altarcho rupasiyarqan. Sayno rurayänanpaq kachaparirqä lutanta ruraykäyashqanta tantiyakur mansakäyänanpaq y castigaykashqäta tantiyakuyänanpaqmi>.

Ezequiel 38:10

<<

Daniel 2:29

<

Levítico 18:21

<<

Números 22:41

Saypita waraynin tutanami Balaamta Balac pusharqan Bamot-baal jirkaman. Say jirkapitami Israel runakunapa campamentun rikakarqan.

Deuteronomio 12:31

Say runakunaqa diosninkunata adorarmi Tayta Diosta rabyanäsiyan. Diosninkunata adorayashpanmi olqu surinkunata y warmi surinkunatapis sacrificiupaq altarcho rupasiyan. Saynöqa Tayta Diosta ama adorayankisu.