Jeremías 17:16 - Tayta Diospa Wilakuynin

¹⁶ Noqaqa manami imaypis qamta manakamurqäsu paykunata castiganaykipaq ni paykunaman desgraciata kachanaykipaqpis. Musyankimi imata wilakushlätapis. Wiyaykämaptikimi lapantapis nishkä.

Jeremías 17:16 ပူးပေါင်းရင်းမြစ်များ

Jeremías 12:3

Qam musyankimi imano kawashqätapis. Nakaykunawan probamashpaykimi musyanki qamlaman yärakamushqäta. ¡Say runakunaqa pishtash kayänanpaq kaq uyshakunano kayäsun! ¡Wanusish kayänanpaq jukla destinay!

Jeremías 13:17

Mana wiyakuyaptikiqa qamkunapaq pakaylapami waqashaq. Tayta Dios kuyashqan runakuna kayaptikipis prësu apakuyäshuptiki lakikushpä fiyupami waqashaq.

Jeremías 15:15

Tayta Dios, qamqa musyankimi pïkuna chikiyämashqantapis. Paykuna chikiyämaptinpis yanapaykalämay. Mana wanusiyämänanpaq salvaykalämay. Chikimaqnïkunataqa kikinkunatapis chikiyäsun. Paykunataqa ama kuyapaysu. Tukuyta qayapäyämaptinpis qam raykumi upälakü.

Jeremías 18:20

Paykunapaqqa imaypis alilatami rurashkä. Paykunawan rabyash kaptikipis favorninmi qamta ruwakushkä. Kananqa lutanta ruraptïnöpis conträmi sharkuyash.

Jeremías 20:7

Tayta Dios, ¡mana munaykaptïmi profëta kanäpaq churamashkanki! ¡Lapanpaq munayyuq kashpaykimi obligamashkanki! Wilakuptïmi imay hörapis asipäyämashpan manakaqman churayäman.

Jeremías 20:9

Saymi nirqä: <>. Sayno niptïpis wilakuyniki shonqücho nina rupaykaqnöraqmi kaykan. Tulüyaqraqmi say rupashqan chaykush. Upälakuyta munarpis manami kamäpaküsu.

Jeremías 9:1

1 (8.23) ¡Imanöparaq weqï yakunöraq kanman! ¡Nawïpis pukyunöraq kanman! Sayno kaptinqa marka mayïkunata wanusiyashqanpita paqasta junaqtami lakikur waqäman.

Amós 5:10

Qamkunaqa demanduta ali arreglaq kaqta chikiykäyankimi. Rasun kaqlata wilakuq testïgukunatapis qarquykäyankimi.

Hechos 20:20

Tayta Dios munashqanno kawayänaykipaq kaqtaqa runakunapa nawpanchöpis y wayikikunachöpis lapantami yachasishkä.

2 Corintios 1:12

Qamkunata ni wakintapis mana lulapaypa y mana engañaypami kawaykäyä. Rasunpaypa sayno kayashqäta mana penqakuypami niyä. Sayno ali kawayänäpaq Tayta Diosmi imachöpis yanapaykäyäman.

2 Corintios 2:17

Wakinkunaqa imatapis chaskiyänan kashlami Diospa wilakuyninta wilakuykäyan. Noqakuna manami paykunanösu kayä, sinöqa Tayta Dios kachayämash kaptin y noqakunawan pay kaykashqanta musyarmi Jesucristupa jutincho lapan shonqükunawan wilakuyä.

Santiago 1:19

Kuyay wawqi panikuna, sayno kaykaptinqa yachaq tukur aläpa parlayaysu, sinöqa wakinpis parlayänanpaq upälakuyay. Saynöpis lutalaqa ama rabyakuyaysu.

Santiago 3:1

Kuyay wawqi panikuna, lutanta yachasiyaptikiqa Tayta Diosmi juzgayäshunki. Sayno kaykaptinqa shuntakäyashqaykicho lapayki yachasikuq kaylataqa ama munayaysu.