Jeremías 17:11 - Tayta Diospa Wilakuynin

¹¹ Sakyapakuypa rïcuyaq runaqa jukpa runtunta oqlaq sakwanömi kaykan. Riquëzankuna elaqpita ushakaptin pasaypa pobrimi rikakunqa>>.

Jeremías 17:11 ပူးပေါင်းရင်းမြစ်များ

Job 20:21

Seqaypa wachakash karmi kikilanpaq imatapis shuntan. Sayno shuntashqankunapis lapanmi ushakanqa.

Salmo 49:13

13 (14) Saynölami ushakäyanqa kalpalanman atiënikuqkuna. Saynölami ushakäyanqa runa tukuqkuna. Selah

Salmo 55:23

23 (24) Tayta Dios, wanusikuqkuna y lulakuqkunaqa juk ishkay watala kawayäsun. Maqtalaraq kaykar wanuyäsun. Noqaqa qamlamanmi imaypis yärakamushaq.

Proverbios 13:11

Mana nakaylapa tarishqan qellayqa yakunömi ushakäkun. Walka walkala shuntakuq runaqa rïcuyanmi.

Proverbios 15:27

Kikilanpaq imatapis munaq runaqa ayllunkunawan chikinakurmi kawan. Mana chaskipakuq runaqa jawkalami kawan.

Proverbios 21:6

Runa mayinta engañaypa rïcuyashqanqa qoshtaynömi elaqanqa. Sayno rurashqanpita kikinpis ushakanqami.

Proverbios 23:5

Shumaq tantiyakuriptikiqa ima riquëzapis ushakaqlami kaykan. Anka pajar aywakuqnömi riquëzaykipis ushakäkunqa.

Proverbios 28:16

Mana tantiyakuq autoridäqa mandashqan runakunata mana kuyapaypami nakasin. Mana yatapakuq autoridäqa aska watami kawanqa.

Proverbios 28:20

Yärakuypaq kaq runaqa halagashqami kanqa. Jukla rïcuyayta munaq runaqa lutan ruraykunamanmi jatikanqa.

Proverbios 28:22

Ambiciösu runaqa rïcuyaylapaqmi yarpachakun. Manami musyanraqsu ambiciösu kashqanpita muchuyman chänanpaq kashqanta.

Proverbios 28:8

Qellayninpa wachayninwan rïcuyaq runaqa manami say qellayta provichanqasu. Saypa trukanqa pobrikunata kuyapaq runami provichanqa.

Jeremías 22:13

<<¡Ay, imanöraq kanki, rey Joacim! Qamqa palaciuykita arusir runakunata mana pägaypami arusishkanki.

Jeremías 22:17

<>.

Jeremías 6:13

<

Jeremías 8:10

Paykunaqa lapanpis yarpaykäyan suwakuypa imatapis tariyänalanpaqmi. Saymi paykunata castigar warminkunatapis y chakrankunatapis jäpa runakunata qoykushaq. <<

Amós 3:10

Paykunaqa ali kaqta rurayta manami yachayansu. Suwakuyashlantami palaciunkunachöpis sararaykäyan>>.

Miqueas 2:9

Kuyaylapaq wayinkunata qechuyänayki kashqami warmikunata qarquykäyanki. Saynölami wawankunapa herenciankunatapis qechuykäyanki.

Miqueas 7:3

Jusalikuypaqqa mamalan wachashqami kaykäyan. Autoridäkunapis y juezkunapis chaskipakurmi shumaq arreglayansu. Rïcu runakunaqa päga pägaykurmi munayashlanta rurasiyan. Saynöpami wakin runakunapis jusalikuylaman churakash kaykäyan.

Sofonías 1:9

Say junaqmi ïdulu adoraqkunataqa lapanta castigashaq. Say runakunaqa adorayashqan ïdulukunapa templunman churayänanpaqmi suwakuypa y asaltaypa imaykatapis shuntayan>>.

Zacarías 5:4

Lapanta mandaq Tayta Diosmi nin: >>.

Malaquías 3:5

Lapanta mandaq Tayta Diosmi nin: <>.

Mateo 23:13

<<¡Wawalaw, ishkay cära fariseukuna y ley yachasiqkuna! Wayi punkuta wichqapaqnömi Tayta Dios mandaykashqanman pipis mana yaykuyänanpaq sapata churapaykäyanki. Sayno karmi kikikikunapis yaykuyankisu.

Lucas 12:20

Sayno yarpachakuykaptinshi Tayta Dios ninaq: <¡Mana ali yarpayyuq runa! ¡Kanan sakaymi wanunki! Lapan pirwakushqayki ¿pipaqraq kanqa?> >>

1 Timoteo 6:9

Rïcu kayta munaqkunaqa toqlaman jeqaqnömi imayka lutan ruraykunaman jatikar yarquyta kamäpakuyannasu. Sayno kar fiyupami nakayan.

Tito 1:11

Wakin wawqi panikunata maynami lapan castantinta sayno engañayash. Paykuna lutanta yachaykäsiyan imatapis sakyayänan raykulami. Sayno lutanta yachasiyänanta ama kachapaysu.

2 Pedro 2:14

Say runakunaqa pï warmita rikarpis munapäyanlanami. Jusalikurpis manami ajayäyansu. Manaraq shumaq tantiyakuqkunatami lutankunata yachasiyan. Runa mayinta imaykanöpapis sakyayta yachayanmi. Sayno kayashqanpitami fiyupa castigash kayanqa.

2 Pedro 2:3

Qellaypaq wachakash karmi ali tupaylapa sakyayäshunki. Paykunata infiernuman qaykunanpaq Tayta Dios unaypitanami destinarqan. Saymi paykunata fiyupa nakay shuyaraykan.