Jeremías 16:6 - Tayta Diospa Wilakuynin

⁶ Kay nación runakunata castigashqäwan rïcupis pobripis wanuyaptin manami pipis kanqasu pampananpaq ni waqananpaqpis. Manami lakikuywan aqsanta rutukunanpaq ni qaranta pishtaypa pishtar kusukunanpaq pipis kanqasu.

Jeremías 16:6 ပူးပေါင်းရင်းမြစ်များ

2 Crónicas 36:17

Sayno kaptinmi Babilonia nacionpa mandaqnin rey soldädunkunawan Israel runakunata ushakäsiyänanpaq Tayta Dios kachapaykurqan. Say soldädukuna chaykurmi templu rurinchöpis maqtakunata espädawan wanusiyarqan. Saynölami cällikunachöpis maqtakunata, jipashkunata, awkinkunata, chakwankunata y qeshyaqyashkunatapis mana kuyapaypa wanusiyarqan. Lapantami paykunapa munayninman Tayta Dios kachapariykurqan.

Isaías 22:12

Lapanta mandaq Tayta Diosmi munarqan jusalikuyashqaykita pësakur waqayänaykita. Saynöpis munarqan lakikuyänaykita y aqsaykikunatapis rutukurir qachqa mödanakunata jatikuyänaykitami.

Isaías 24:2

Say junaqqa pampa runapis, cürapis, patronpis, olqu ashmaypis, patrönapis, warmi ashmaypis, rantiqpis, rantikuqpis, manaq kaqpis, manakuq kaqpis, rïcupis, pobripis lapanmi nakayanqa.

Jeremías 13:13

<

Jeremías 16:4

pestiwanmi wanuyanqa. Saymi waqapäyänanpaq ni pampayänanpaq pipis kanqasu. Uywakunapa iskannömi maysaychöpis wanush jitaräyanqa. Wakinkunaqa guërrachömi wanuyanqa y wakinnami malaqaywan ushakäyanqa. Ayankunatapis wiskurkuna, condorkuna y jirka uywakunami mikuyanqa>>.

Jeremías 41:5

Siquempita, Silupita y Samariapita puwaq chunka (80) runakuna chäyämurqan. Jerusalén markata ushakäsiyashqanpita pasaypa lakikurmi paykuna kaykäyarqan shaprankunata rutukush, mödanankuna rachish y qarankunatapis pishtaypa pishtar ushash. Paykunami apayämurqan saki mikuy ofrendakunata y inciensuta Tayta Diospa templunman churayänanpaq.

Jeremías 47:5

Gaza markacho taq runakuna fiyupa lakikuyashpanmi aqsankunatapis rutukuyanqa. Ascalón markacho taq runakunapis upatakäyanqami. Saycho taqkuna wanuqkunapaq lakikurmi qarankunatapis kusukuyanqa.

Jeremías 48:37

Lapan runakunami lakikuyashpan aqsankunata qara putuypa rutukuyanqa. Shaprankunatapis chipyaq rutukuyanqa. Makinkunatapis lapanmi kusukuyanqa. Saynölami qachqa mödanatapis jatikuyanqa>>.

Jeremías 7:29

¡Lakikuyashpayki aqsaykikunata rutuyay! ¡Sunyaq jirkakunaman aywaykur waqay waqayta cantayay! Tayta Dios fiyupa rabyashpanmi kachariykuyäshushkanki. Manami rikaytapis munayäshunkinasu> >>.

Jeremías 8:2

(Say runakuna manaraq wanurmi intita, killata y qoyllarkunata qonqurpakuykur adorayarqan. Imatapis musyayta munarmi intita, killata y qoyllarkunata tapukuyarqan.) Say wanuqkunapa tulunkunata pipis shuntananpaq ni pampananpaq mana kaptinmi uywakunapa iskanno mashtaräkuyanqa. Saymi tulunkuna jitaraykaqta intipis, killapis y qoyllarkunapis rikayanqa.

Levítico 19:27

<<

Levítico 19:28

<<

Amós 6:11

Tayta Diosmi kamakäsinqa jatusaq wayitapis taksha wayitapis juchusiyänanpaq> >>.

Mateo 9:23

Saypitanami autoridäpa wayinman Jesús chaykur tarirqan ayata pampayänanpaq tukapakuqkuna tukaykäyaqta y runakunapis fiyupa waqaykäyaqta.

Deuteronomio 14:1

<

Apocalípsis 20:12

Saynöpis rikarqä lapan wanuq runakuna, yachaqpis mana yachaqpis, Tayta Diospa puntancho ichiraykäyaqta. Saypitanami librukunata kichar Libru de la Vïdatapis Tayta Dios kicharqan. Say librukunata rikaykurmi alita o mana alitapis rurayashqanman tupu runakunata juzgarqan.

Apocalípsis 6:15

Kay pasacho reykuna, rïcukuna, mandaq soldädukuna, ashmaykuna y wakin runakunapis qaqakunaman y machaykunamanmi pakakuyarqan.