Jeremías 13:16 - Tayta Diospa Wilakuynin

¹⁶ Desgracia manaraq chämushqanyaq Tayta Diosta cäsukuyay. Yanawyaykaq sakaycho jirkakunapa qeshpir manaraq tinkakashqaykiyaq jusalikuyashqaykita wanakuyay. Salvayäshunaykipaq kashqanta yarpäyaptikipis mana wanakuyaptikiqa manami salvayäshunkisu.

Jeremías 13:16 ပူးပေါင်းရင်းမြစ်များ

Job 3:5

Say junaq mana chämunanpaq fiyupa sakay sapakurkunman karqan. Yanawyaykaq pukutaypis sapakurkunman karqan.

Salmo 107:10

Wakinkunaqa fiyupa lakikuychömi kawayarqan. Carcilcho wataraykaqnömi kaykäyarqan.

Salmo 107:14

Paymi wanushno y cadinashno kaykäyaqta jipimurqan.

Salmo 29:2

Jutinta joqarir Tayta Diosta alabayay. Munayyuq santu Tayta Diosta adorayay.

Salmo 44:19

19 (20) Sayno ruraykäyaptïpis miseriamanmi qaykariykayämashkanki. Pasaypa mansariypaq sakaychöno kayänäpaqmi kachariykayämashkanki.

Éxodo 10:21

Saypitanami Moisésta Tayta Dios nirqan: <>.

Proverbios 4:19

Runakuna jusalikur kawayashqanqa yanawyaykaq sakaynömi kaykan. Sayno karmi jusalikuyashqantapis tantiyayansu.

Eclesiastés 11:8

Aska wata kushish kawarpis wanukurqa asikyay pasata manami imaypis rikankinasu. Manami musyankisu wanukur imano kanaykipaq kashqantapis.

Isaías 5:30

Say runakuna atacamäshun bunyaypa bunyar kuchunman lamar chaqnömi. Pasapis sakaqnöraq rikakuptin junaq kashqanpis manami musyakanqasu.

Isaías 59:10

Qaprakuna perqata yataylapa puriqnömi kawaykansi. Nawiynaq runa lamkaylapa puriqnömi kaykansi. Pulan junaqpis sakaypa tinkakaykaqnömi kaykansi. Kawaykarpis wanushnömi kaykansi.

Isaías 59:9

Saymi salvakuyta munarpis kamäpakunsisu. Runa mayinsiwan ali kawaytapis puëdinsisu. Asikyayta shuyarashqapis sakaqlami kaykan. Aksichöno kawayta munarpis sakaychönölami kawaykansi.

Isaías 60:2

Kay pasata sakaymi sapakurkush. Yanawyaykaqmi nacionkunata nitikurkush. Qammanmi isanqa pasa warämuqno chämushaq. Munaynïwan yanapashqätami pïmaypis rikayanqa.

Isaías 8:22

Kay pasacho imata ashirpis munayashqanta tariyänanpa trukan nakaylatami tariyanqa. Ima ruraytapis mana kamäpakurmi pasaypa yanawyaykaq sakaychöno kayanqa.

Jeremías 14:19

Tayta Dios, ¿Judá nacionta mananaku rikaytapis munanki? ¿Sayjinanpaku Sión lömata chikiykunki? ¿Imanirtaq pasaypa desgraciaman jitarpariykayämashkanki? Ali kawayta munayaptïpis manami ali kaway kannasu. Yanapäyämänaykipaq yarpäyaptïpis jinalami desgracia päsayäman.

Jeremías 2:6

Egiptupita jorqaykämuptïpis y sunyaq jirkapa pushaykämuptïpis paykunaqa manami munashqänösu kawayarqan.

Jeremías 23:12

Jusalikuyashqanpitami paykunata castigashaq. Sakaycho luska nänipa puriqnömi kayanqa. Tanqariykuyaptin pasaypa kuchpakaqnömi kayanqa. Noqa Tayta Diosmi sayno nï.

Jeremías 4:23

Pasaypa ushakashta y sunyaraykaqtami kay nacionta revelacioncho rikashkä. Jana pasachöpis manami ima asikyaypis kashsu.

Jeremías 50:6

<

Jeremías 6:21

Saymi maypa aywayaptinpis paykunapaq trampano kashaq. Taytanpis, surinpis, vecïnunpis y reqinakuyashqanpis wanuyanqami. Noqa Tayta Diosmi sayno nï>>.

Jeremías 8:15

Ali kawanansipaq kashqanta yarpashqapis manami yarpashqansinösu kash. Tayta Dios yanapämänansipaq kashqanta yarpashqapis jinalami desgracia päsamansi.

Lamentaciones 4:17

Juklä nación soldädukuna yanapämänansipaq shuyarashqapis manami chäyämushsu. Shuyakur rikachakuykashlami nawinsipis sakaskish.

Ezequiel 21:15

15 (20) Runakunapa valorninpis manami kanqanasu. Saysikami ayapis mashtaranqa. Runakunata wanusinanpaqmi marka punkunkunaman wanusikuq espädata churashkä. Say espäda shumaq kupash karmi chipipinraq. Wanusinanpaq fïlu afilashqami kaykan.

Ezequiel 34:12

Oqrakash uyshankunata misiq runa ashishqannömi noqapis uyshäkunata ashishaq. Pukutay qenqiraptin pantakar maypa aywayash kaptinpis shuntamushaqmi.

Ezequiel 36:15

Jäpa nación runakuna ashliyäshunaykita manami kachapäshaqnasu. Saynöpis mananami wamrakunata mikuyankinasu>. Tayta Diosmi sayno nin>>.

Joel 2:2

Say junaq pasapis sakakäkunqami. Yanawyayparaqmi pukutaypis sapakurkunqa. Pasa waraptin jirkakunapa inti mashtamushqannömi saysika soldädukuna shayämunqa. Saynöqa manami imaypis kashsu ni imaypis kanqasu.

Amós 4:13

Noqami jirkakunatapis y wayratapis kamashkä. Noqami imata yarpashqätapis runakunata musyasï. Junaqtapis sakaymanmi tikrasï. Noqami jirka puntakunapapis purï. Jutïpis lapanpaq munayyuq Yahwehmi kaykan.

Amós 5:18

¡Ay, imanöraq kayanki Tayta Dios juzganan junaq chämuptin! ¿Imanirtaq munaykäyanki say junaq chämunanta? Say junaq ali kananpaq kashqanta yarpäyaptikipis pasaypa mansariypaqmi kanqa.

Malaquías 2:2

Qamkunaqa manami cäsukayämankisu ni respitayämankisu. Sayno kayaptikimi castigayäshayki. Qamkunaman bendicionnïta churamushqätapis maldicionmanmi tikrasishaq. Lapan shonquykikunawan mana cäsukayämashqaykipita maynami maldicionman tikrasishkä. Lapanta mandaq Tayta Dios karmi sayno nï.

Juan 12:35

Sayno niyaptinmi Jesús nirqan: <

Josué 7:19

Saymi Acánta Josué nirqan: <>.

1 Pedro 2:8

Mastapis kaynömi nikan: <>. Jesucristuman mana yärakuqkunaqa Tayta Diospa palabranta mana cäsukurmi say rumicho takakaqno kaykäyan. Sayno kayänanpaqmi destinash kayarqan.

1 Samuel 6:5

Saykunata apasiyay Israel runakunapa Diosninta respitar. Sayno rurayaptiki capazmi manana castigashushpayki mikuynikikunatapis ushakäsinqanasu y diosninsikunatapis shaluykanqanasu.