Jeremías 10:5 - Tayta Diospa Wilakuynin

⁵ Say ïdulukunaqa kaykäyan chakracho nunayluno mana parlaqmi. Puriyta mana puëdiptin umrushqami apayan. Say ïdulukunataqa ama mansayaysu. Manami alitapis ni mana alitapis rurayansu>>.

Jeremías 10:5 ပူးပေါင်းရင်းမြစ်များ

1 Reyes 18:26

Sayno niptinmi paykunaqa pishtayashqan turïtupa aysanta yanta jananman churaykur tutapita pulan junaqyaq Baalta manakuyarqan: <<¡Ninata rataykasilay, tayta Baal!>> nir. Sayno qayaykachar rurayashqan altar nawpanpa saltaykachäyashpan tumapäyaptinpis manami pipis contestamurqansu.

2 Crónicas 25:15

Sayno ruraptinmi Tayta Dios fiyupa rabyakurqan. Saymi profëtata kacharqan ninanpaq: <<¡Imanirtaq juk nacionpa diosninkunaman yärakuykanki! Say dioskunaqa manami pitapis salvayta kamäpakuyansu. Salvakuq karqa atacaptiki salvayanmanmi karqan>>.

Isaías 16:12

Walälapaqmi moabita runakuna altarninkunamanpis utikäyashqanyaq aywayanqa. Manakaqlapaqnami templunmanpis rezakuq aywayanqa.

Isaías 45:20

<

Isaías 46:1

Bel dios vincishnami kaykan. Nebo diospis manakaqman churashnami kaykan. Say diosninkunatami abyunkunawan chaqnarkur apakuyan. Saykuna fiyupa lasarmi utikäsiyan.

Isaías 46:7

Aparikurkur aparmi jamaränanpaq kaqman jamaykasiyan. Jamasiyashqanpitaqa manami witikunsu. Say ïduluqa mayjina ruwakuyaptinpis manami salvansu.

Jeremías 10:14

Runakunaqa lapanpis upano imatapis mana tantiyaqmi kaykäyan. Ïdulukunata rurayashqanpitami penqakuyanqa. Say ïdulukunaqa manami imatapis rurayansu. Runakuna yärakuyaptinpis manami yanapäyansu.

Habacuc 2:19

<<¡Shuyaykuyay hïju! Qamkunaqa qerupita rurayashqan ïdulutami nikäyanki. Saynöpis rumipita rurayashqan ïdulutami nikäyanki. Say ïdulukuna manami imatapis musyasiyäshunkisu. Qoriwan y qellaywan enchapashla karpis manami kawayansu.

1 Corintios 12:2

Musyayashqaykinöpis Jesucristuta manaraq chaskikur mana tantiyakuyashpaykimi ïdulukunata adorar kawayarqayki.

1 Corintios 8:4

Ïdulukunapa jutincho pishtayashqan uywakunata mikunansipaq o mana mikunansipaq kashqantapis kanan tantiyasiyäshayki. Musyashqansinöpis ïdulukunaqa manami kawayansu ni munayyuqsu kayan. Saynöpis musyansimi Tayta Dios juklayla kashqanta.

Deuteronomio 4:28

Juklä nacionkunacho tarnami qerupita y rumipita rurayashqan ïdulukunata adorayanki. Say ïdulukunaqa manami rikayansu ni wiyayansu ni mikuyansu ni jämaytapis kachayansu.