Jeremías 10:23 - Tayta Diospa Wilakuynin

²³ Tayta Dios, qamlami musyanki waray warantin imano kayänäpaq kashqantapis. Sayqa manami kikïkunapitasu kaykan, sinöqa qampitami.

Jeremías 10:23 ပူးပေါင်းရင်းမြစ်များ

Salmo 17:5

Tantiyasimashqaykinömi imaypis kawashkä. Nishqaykikunata imaypis cäsukushkämi.

Salmo 37:23

Runa imano kawananpaqpis Tayta Diosmi kamakäsin. Pay munashqanno kawananpaqmi tantiyasin.

Proverbios 16:1

Imata rurananpaqpis runaqa yarpachakunmi. Mayjina yarpachakuptinpis Tayta Dios kamakäsiptinraqmi imapis kamakan.

Proverbios 16:9

Runa imano kawananpaq yarpachakuptinpis Tayta Dios permitiptinraqmi yarpashqanno kamakan.

Proverbios 20:24

Runa imano kawananpaqpis Tayta Diosmi kamakäsin. Pipis manami musyansu waray warantin imano kawananpaq kashqantapis.

Proverbios 3:6

Imata ruranaykipaqpis Tayta Dios munashqanno ruranaykipaq yarpachakuy. Sayno kawaptikiqa pay yanapäshunkimi.

Isaías 26:7

Ali runakunatami isanqa pisash nänipano puriyänanpaq yanapan. Alilata ruraq karmi jawkala kawayänanpaq imaypis yanapan>>.

Daniel 5:23

Jana pasacho kaykaq Tayta Diosta rabyanäsirmi templuncho manijashqan väsukunata apaykasimur vïnuta upyayashkanki kikikipis, mandäsishuqnikikunapis, warmikikunapis y concubïnaykikunapis. Nirkurmi alabashkanki qoripita, qellaypita, broncipita, fiërrupita, qerupita y rumipita rurash dioskunata. Say dioskunaqa manami rikayansu ni wiyayansu ni imatapis musyayansu. Munayyuq Tayta Diostami isanqa alabashkankisu. Payta rabyanäsishkanki paypitaraq lapantapis chaskiykarmi. Paymi rey kanaykipaqpis churashushkanki.