Jeremías 10:13 - Tayta Diospa Wilakuynin

¹³ Pay mandaptinmi ciëlucho kaykaq yakupis qaparämun, pukutaypis pasapa kuchunpita sharkamun, tamyashqan höra elquypis asikyämun y wayrapis churaräkunanpita yarqaramun.

Jeremías 10:13 ပူးပေါင်းရင်းမြစ်များ

Génesis 2:5

Tayta Dios manaraqmi tamyasimurqanraqsu. Saymi ima qewapis ni jachapis jeqamurqanraqsu. Saynöpis chakrata arunanpaq runapis manami karqanraqsu.

1 Reyes 18:41

Saypitanami Acabta Elías nirqan: <>.

Job 38:22

<<¿Qam chashkankiku rashta churaräkunan kaqman? ¿Runtu tamya churarashqanman chashkankiku?

Salmo 104:13

Qammi jana pasacho kaykaq wayikipita jirkakunata parqumunki. Tamyawanmi alpatapis ushmasimunki.

Salmo 135:17

Rinrin kaptinpis manami wiyayansu. Manami jämayninpis kansu.

Salmo 135:7

Kay pasapa kuchunpitami pukutayta sharkasin. Tamyamunanpaqpis maqakasimunmi. Churaraykäsishqanpitami wayratapis jorqamun.

Salmo 147:8

Paymi ciëlutapis pukutaywan saparkun. Paymi tamyatapis tamyasimun. Paymi qewakunatapis jirkakunacho winasimun.

Salmo 18:13

13 (14) Tayta Dios jana pasapita parlamushqanqa maqakuynömi wiyakämurqan. Ciëlupitami poderyuq Diospa vozninpis wiyakämurqan. Runtu tamyawan tillaykaq shansha chawpinpitami parlamurqan.

Salmo 68:33

33 (34) Tayta Diosqa loqashqami jana pasapa purin. Parlamushqanpis maysaymanmi wiyakämun.

Éxodo 9:23

Nishqanno jana pasaman Moisés tukrunta joqarkuptinmi intëru Egiptuman Tayta Dios maqakasimurqan, räyusimurqan y runtu tamyata tamyasimurqan.

Jeremías 14:22

Kay pasacho ima ïdulupapis manami munaynin kansu tamyasimunanpaq. Ciëlupis manami kikilanpitaqa tamyasimunsu, sinöqa qamraqmi tamyasimunki, Tayta Dios. Lapan päsashqankunapis qampitami kaykan. Saymi salvayämänaykipaq qamlaman yärakayämü.

Jeremías 19:12

Ayakunala Tofetcho jitaräyashqannömi kay markachöpis ayakunala jitaräyanqa. <<

Jeremías 5:24

Shonqulaykikunachöpis manami yarpachakuyankisu noqata mansapakayämänaykipaqqa. Manami tantiyayankisu mikuyniki ali qeshpinanpaq punta kaq tamyata y qepa kaq tamyatapis noqaraq tamyasimushqäta. Saynöpis manami tantiyayankisu mikuynikikunata shuntayänaykipaqpis noqaraq usyäsimushqäta.

Jeremías 51:16

Pay mandaptinmi ciëlucho kaykaq yakupis qaparämun, pukutaypis pasapa kuchunpita sharkamun, tamyashqan höra elquypis asikyämun y wayrapis churaräkunanpita yarqaramun.

Amós 4:13

Noqami jirkakunatapis y wayratapis kamashkä. Noqami imata yarpashqätapis runakunata musyasï. Junaqtapis sakaymanmi tikrasï. Noqami jirka puntakunapapis purï. Jutïpis lapanpaq munayyuq Yahwehmi kaykan.

Zacarías 10:1

Mikuy winaykashqan wisan tamyasimunanpaq Tayta Diosta manakuyay. Manakuyaptikiqa elqukasimur alimi tamyasimunqa. Saynöpami chakraykikunacho qewa shumaq winamunqa.