Isaías 7:1 - Tayta Diospa Wilakuynin

¹ Jotampa surin y Uzíaspa wilkan Acaz Judá nacionpa mandaqnin rey kaykaptinmi Siria nacionpa mandaqnin rey Rezínwan Israel nacionpa mandaqnin rey Peka soldädunkunawan aywayarqan Jerusalénta atacayänanpaq. Peka karqan Remalíaspa surinmi. Chaykur mayjina atacarpis manami vinciyta kamäpakuyarqansu. Kaychömi qelqaraykan manaraq atacayaptin imano kashqanpis.

Isaías 7:1 ပူးပေါင်းရင်းမြစ်များ

2 Reyes 15:25

Pekaía rey kaykaptinmi soldädunkunapa capitannin karqan Remalíaspa surin Peka. Paymi pisqa chunka (50) Galaad runakunawan Samariacho palaciuman yaykuykur Pekaíata wanusirqan. Saynöpis saycho wanusirqan Argobta y Arieta. Nirkurmi Pekaíapa trukan Pekana rey karqan.

2 Reyes 15:27

Azarías pisqa chunka ishkay (52) wata Judá nacioncho rey kaykaptinmi Israel nacioncho Remalíaspa surin Peka rey kayman yaykurqan. Payqa ishkay chunka (20) watami Samariapita mandarqan.

2 Reyes 15:37

Jotam rey kashqan wisanmi Siria nacionpa mandaqnin rey Rezínta y Remalíaspa surin Pekata Tayta Dios kacharqan Judá nacionta atacayänanpaq.

2 Reyes 16:1

Chunka qanchis wata Israel nacioncho Remalíaspa surin Peka rey kaykaptinmi Judá nacioncho Jotampa surin Acaz rey kayman yaykurqan.

2 Reyes 16:5

Say wisanmi Siria nacionpa mandaqnin rey Rezín y Israel nacionpa mandaqnin rey Peka Jerusalénman soldädunkunawan chäyarqan Acazta atacayänanpaq. Ishkan reykuna atacarpis manami vinciyta kamäpakuyarqansu.

Isaías 1:1

Kaychömi qelqaraykan Judá nacioncho y capitalnin Jerusaléncho taykaq runakunapaq Amozpa surin Isaíasta Tayta Dios revelashqan. Saykunata Tayta Dios revelarqan Judá nacioncho Uzías, Jotam, Acaz y Ezequías rey kayashqan wisanmi.

Isaías 8:6

<

Isaías 9:11

11 (10) Sayno nikäyaptinmi rey Rezínta atacayänanpaq contrapartin runakunata Tayta Dios kachamunqa.

Ezequiel 27:16

<<

Oseas 1:1

Kaychömi qelqaraykan Tayta Diospa wilakuyninta Beeripa surin Oseas wilakushqan. Judá nacioncho Uzías rey kaykänan wisanmi Oseas wilakurqan. Saynölami wilakurqan Jotam rey kaykänan wisan, Acaz rey kaykänan wisan y Ezequías rey kaykänan wisanpis. Israel nacionchönami Joáspa surin Jeroboam rey kaykarqan.

Miqueas 1:1

Moreset markacho taq Miqueastami Tayta Dios revelacionkunacho rikasirqan Samaria markata y Jerusalén markata ima päsananpaq kashqantapis. Sayno rikasirqan Judá nacioncho Jotam rey kaykänan wisan, Acaz rey kaykänan wisan y Ezequías rey kaykänan wisanmi.