Isaías 61:3 - Tayta Diospa Wilakuynin

³ Sióncho lakish kaqkunata shumaq tantiyasirmi shakyäsishaq. Saymi umankunaman uchpata winakuyänanpa trukan corönatana jatikuyanqa, lütuta jatikuyänanpa trukan aceitiwanna lushikuyanqa y lakish kayänanpa trukan kushishna cantayanqa. Sayno kaptinmi Tayta Dios plantashqan kuyaylapaq encina jachano kayashqanta niyanqa. Saynöpami Tayta Diosta pïmaypis alabayanqa.

Isaías 61:3 ပူးပေါင်းရင်းမြစ်များ

Ester 8:15

Mardoqueuqa palaciupita yarqamurqan azulwan yuraq sotänan jatish, qori corönan jatish y granäti lïnu cäpan jatishqami. Rikaykurmi Susacho taq runakuna lapanpis kushikushpan büllata rurayarqan.

Ester 9:22

Fiestata rurayänanpaq sayno nirqan Israel runakuna contrankunata vincir kushikuyashqanta imaypis mana qonqäyänanpaqmi. Saynöpis nirqan fiestata rurayashpan kushishla mikur upur jukninpis jukninpis mikuyta yawasinakuyänanpaq y pobrikunata imalatapis makyayänanpaqmi.

Salmo 104:15

Saynölami vïnuta kamaripanki upur kushikunanpaq, aceitita kamaripanki qaqlanman lushikur chipipïnanpaq y mikuytapis kamaripanki kalpan kananpaq.

Salmo 149:4

Kuyashqan runakunata rikarmi Tayta Dios kushikun. Ali kawayänanpaqmi humildikunata yanapan.

Salmo 23:5

Chikimaqnïkunapa rikay nawinmi bendicionnikita churamunki. Umäman aceitita winapämaq japuymi kushish chaskimanki. Bendicionnikita jina jina chaskirmi seqaypa kushikü.

Salmo 30:11

11 (12) Lakish kaykaptï kushikasimaptikimi kushishna danzäpis. Lütu mödanata jatikunäpa trukanqa fiesta jatipämashkanki.

Salmo 30:12

12 (13) Saymi salmukunawan alabashayki. Manami imaypis upälakushaqsu. Qamtami imaypis agradëcikushayki.

Salmo 45:7

7 (8) Pipis alita ruraptinqa kushikunkimi. Mana alita ruraptinqa ajanankimi. Saymi Tayta Dios qamta churashushkanki pïmaypitapis mas kushish kanaykipaq.

Eclesiastés 9:8

Lakikunaykipa trukanqa ali mödanata jatikushpayki perfümita umaykiman winakunki.

Isaías 12:1

Say wisanmi Tayta Diosta alabar niyanki: <>.

Isaías 26:2

¡Ali runakuna yaykayämunanpaq marka punkunta kichapäshun! ¡Tayta Dios munashqanno kawaq runakuna yaykayämusun!

Isaías 44:23

Jana pasa, ¡Tayta Dios salvakuq kashqanpita kushikur cantay! ¡Pasa rurincho kaqkunapis, vivar qaparäyay! ¡Jirkakuna, fiyupa kushikuyashpayki sinchipa cantayay! ¡Munticho kaykaq jachakuna, lapayki kushikur cantayay! ¡Jacobpita miraq Israel runakunata Tayta Dios salvashnami! ¡Munayyuq kashqanta musyasishnami!

Isaías 46:13

Karu nacioncho kayashqaykipita kutisiyämushaykinami. Shuntamunäpaq manami aykäpis pishinnasu. Sióncho täyänaykipaqmi kutisiyämushayki. Kuyashqä Israel runakuna kayaptikimi salvayämushayki>>.

Isaías 52:1

¡Sión, rikchay, rikchay! ¡Shumaq kalpasakuy! ¡Santu Jerusalén marka, kuyaylapaq mödanaykita jatikuy! Diosta mana cäsukuq jäpa runakuna manami imaypis atacayäshunkinasu.

Isaías 61:10

Tayta Diosnï yanapämaptinmi kushikuypita shonqüpis asikyarkun. Paymi salvación mödanata jatipämash. Kuyaylapaq mödanänömi ali ruraykunapis kaykan. Casarananpaq shumaq trukakush maqtanömi kaykä. Casaraq jipash kuyaylapaq mödanan jatish kaykaqnömi kaykä.

Jeremías 31:13

Kushikuyashpanmi jipashkunapis, maqtakunapis, awkinkunapis qaswayanqa. Mana lakikuypa kushishna kawayänanpaqmi consulashaq.

Ezequiel 34:29

Mikuyninkunapis shuntayta mana atipäyashqanyaq wayuptinmi muchuypis kanqanasu. Juklä nación runakunapis asipaykäyanqanasu.

Ezequiel 47:7

Kutirmi mayupa ishkan kuchunkunacho aska jachakunata rikarqä.

Zacarías 3:5

Saypitanami nirqan: <>. Saymi limpiu görrata jatipäyarqan. Nirkurnami kuyaylapaq mödanatapis jatipäyarqan. Sayno jatipäyaptinmi Tayta Diospa angilnin nawpancho ichiraykarqan.

Mateo 15:13

Sayno niyaptinmi Jesús nirqan: <

Mateo 5:16

Saynöla qamkunapis runakuna rikakuyäshunaykipaq sakaycho asikyaqno alikunata rurayay. Sayno kawayashqaykita rikakurmi jana pasacho kaykaq Taytaykita alabayanqa.

Lucas 15:22

<

Juan 15:8

Saynöpami ali wayuq üvano kar rasunpaypa discïpulükuna kaykäyanki. Sayno kawayaptikimi Taytäta alabayanqa.

Juan 16:20

Rasunpami nï: Aywakuptï Diosta mana cäsukuq runakuna kushikuyanqami. Qamkunami isanqa lakikuyashpayki waqayanki. Sayno lakikurpis nirkurqa kushikuyankimi.

1 Corintios 3:9

Noqapis Apoluspis Tayta Diospa aruqninkunalami kaykäyä. Qamkunanami Tayta Dios aruykäsishqan chakrano kaykäyanki. Saynöpis Tayta Dios sharkaykäsishqan wayinömi kaykäyanki.

1 Corintios 6:20

Qamkunataqa Tayta Diosmi rantiyäshushkanki. Saymi mana jusalikuypa pay munashqanno kawayänayki.

Filipenses 1:11

Imaypis alilata rurayänaykipaq Jesucristo yanapaykuyäläshunki. Lapanpis kaykusun Tayta Dios alabash kananpaq.

2 Tesalonicenses 1:10

Sayno kanqa Señor Jesucristo kay pasaman kutimuptinmi. Say junaqmi payman yärakuqkuna seqaypa kushikur alabayanqa. Saychömi qamkunapis Jesucristupa ali wilakuyninta wilakuyashqäta cäsukuyashqaykipita kushish alabayanki.

Hebreos 1:9

Pipis alita ruraptinqa kushikunkimi. Mana alita ruraptinqa ajanankimi. Saymi Tayta Dios qamta churashushkanki pïmaypitapis mas kushish kanaykipaq>>.

1 Pedro 2:9

Qamkunami isanqa kaykäyanki Tayta Dios akrashqan runakuna, payta sirviq cürakuna, kuyashqan santa nación runakuna y paypa makincho kaykaq runakuna. Paymi sakäpakushno kawaykäyaptiki aksinman jorquyäshushkanki kuyakuq kashqanta pïmaytapis wilapäyänaykipaq.

1 Pedro 4:14

Tayta Diospa munayyuq Espïritun qamkunawan kaykaptinqa Jesucristuta chaskikuyashqaykipita ashliyäshuptikipis kushikuyay. [Ashliyäshushpaykiqa Jesucristutami manakaqman churaykäyan. Qamkunami isanqa payta alabaykäyanki.]