Isaías 6:3 - Tayta Diospa Wilakuynin

³ Paykunami jukninpis jukninpis niyarqan: <<¡Santu, santu, santu! ¡Lapanta mandaq Tayta Dios santumi kaykan! ¡Paypa podernin maysaychömi kaykan!>>

Isaías 6:3 ပူးပေါင်းရင်းမြစ်များ

Esdras 3:11

Tayta Diosta agradëcikurmi alabayarqan kayno nir: <<¡Tayta Diosqa alilata ruraqmi! ¡Kuyapäkuyninqa Israel runakunapaq manami imaypis ushakansu!>> Sayno nirmi cimientu churayta kushikuyashpan lapan runakuna Tayta Diosta sinchipa alabayarqan.

Salmo 57:11

11 (12) Tayta Dios, gloriachöpis lapanpaq munayyuqmi kaykanki. Kay pasachöpis poderyuqmi kaykanki.

Salmo 66:2

Jutinta joqarishpayki adorayay. Munayyuq kashqanpita lapan shonquykikunawan alabayay.

Salmo 72:19

Imayyaqpis alabash kaykuläsun. Munayyuq kashqanta intëru kay pasacho pïmaypis musyaykuläsun. ¡Amén! ¡Sayno kasun!

Salmo 8:2

2 (3) Pishi wamrakuna y chuchuykaq wamrakunapis alabayäshunkimi. Sayta rikarmi contrayki sharkuqkuna penqakur upälakuykäyan.

Salmo 90:16

Sirvishuqniki kaykäyaptïqa noqakunatapis surïkunatapis yanapäyämar kushikuypaq kaqkunata ruraykulay.

Salmo 97:6

Jana pasapis Tayta Dios alilata ruraq kashqantami wilakun. Maysay nacioncho taq runakunapis munayyuq kashqantami rikaykäyan.

Salmo 99:3

¡Munayyuq y mansariypaq kashqanpita alabayay! ¡Payqa santumi kaykan!

Salmo 99:9

¡Tayta Diosninsita alabayay! ¡Sagrädu lömaman aywaykur qonqurpakuyay! ¡Tayta Diosninsiqa santumi kaykan!

Éxodo 15:11

Tayta Dios, ima diospis manami qamno kansu. Qamnöqa manami pipis santu kansu. Espantaypaq kaqkunatami rurashkanki.

Isaías 24:16

Kay pasapa juk kuchunpita jukaq kuchunyaqmi alabayanqa. <<¡Alilata ruraq Tayta Diosta alabashun!>> nir cantayashqanmi wiyakanqa. ¡Sayno kaptinpis fiyupa lakishqami kaykä! ¡Shonqüpis nanayparaqmi lakikun! ¡Fiyu runakunaqa traicionërumi kayan! ¡Kuyapäkuyninpis manami kansu!

Isaías 40:5

Tayta Dios shamurnami munayninwan salvanqa. Saytaqa maysaycho taq runakunami rikayanqa. Kikin Tayta Diosmi sayno kananpaq nish>>.

Isaías 54:5

Kamashuqniki Tayta Diosmi majanpaq shuntashunki. Paypa jutinqa lapanta mandaq Yahwehmi. Payqa imapitapis sapäshunkimi. Israel runakunapa santu Diosninmi kaykan. Saymi pïmaypis musyanqa intëru munduta makincho sararaq Dios kashqanta.

Ezequiel 43:2

Saypitami rikarqä Israel runakunata kuyaq Tayta Diospa chipipiynin inti jeqamunan kaqläpita aywaykämuqta. Jakash mayu qayarashqannöraqmi shamushqan wiyakämurqan. Chipipiyninwanmi kay pasapis fiyupa asikyarqan.

Ezequiel 44:4

Saypitami norti kaqlä yaykuna punkupa päsasimar templu ruri kaq patiuman pushamashpan templu frentinyaq chäsimarqan. Saypita rikärinäpaqmi Tayta Diospa chipipiynin templucho junta kaykänaq. Saymi pasaman jukla lätakuykurqä.

Habacuc 2:14

Lamarcho yaku junta kashqannömi Tayta Diosta reqiqkunapis kay pasacho junta kayanqa.

Zacarías 14:9

Say wisanqa intëru kay pasacho Tayta Dioslami rey kanqa. Saymi maysaychöpis pay japalantana alabayanqa.

Números 14:21

Imayyaqpis kawaq Dios kar y intëru munduta munaynïcho sarararmi nï:

Efesios 1:18

Shonquykikunacho sayno tantiyasiyäshuptikimi musyayanki Tayta Dios qayashushpayki imapaq salvayäshushqaykita, seqaypa ali herenciata chaskiyashqaykita