Isaías 5:7 - Tayta Diospa Wilakuynin

⁷ Lapanta mandaq Tayta Diospa üva chakranqa Israel runakuna y Judá runakunami kaykäyan. Tayta Dios paykunata kuyar leyninkunata cumpliyänanpaq nikaptinpis wanusinakuylachömi kakuyan. Yanapänakuyänanpaq nikaptinpis nakaqkuna waqayashlanmi wiyakaykan.

Isaías 5:7 ပူးပေါင်းရင်းမြစ်များ

Génesis 4:10

Niptinmi Tayta Dios nirqan: <<¿Imatataq ruraykushkanki? Wawqikipa yawarninta jichashqaykimi qayakaykäman.

2 Samuel 7:10

<<

Job 34:28

Mana kuyapaypami pobrikunatapis nakasiyan. Say pobrikuna manakuyashqanta mayarmi Tayta Dios yanapan.

Salmo 147:11

Saypa trukanqa kushikun payta mansapakushqami. Saynöpis kushikun pay kuyakuq kashqanman yärakushqami.

Salmo 149:4

Kuyashqan runakunata rikarmi Tayta Dios kushikun. Ali kawayänanpaqmi humildikunata yanapan.

Salmo 80:15

15 (16) Kikikimi say üvata plantarqayki. Sheqlimuqkuna shumaq winananpaq kikikimi uryarqayki.

Éxodo 3:7

Nirkurnami Tayta Dios nirqan: <

Proverbios 21:13

Pobrikuna manakuyaptin mana kamaripaq kaqtaqa manami Tayta Diospis cäsupanqasu.

Eclesiastés 4:1

Rikashkämi kay pasacho munayyuq runakuna humildi runakunata nakasiyashqanta. Pipis mana shoqaptin y mana yanapaptin waqaykäyaqtami rikashkä.

Cantares 7:6

6 (7) Kuyaynï, qamqa kanki pasaypa kuyaylapaqmi. Mana kachaypa maypis kuyakuylapaqmi kaykanki.

Isaías 1:21

Jerusalén marka, Diosta cäsukuq kaykarqa ¿imanöpataq prostitütano rikakushkanki? Prostitüta warmi aska runawan kakushqannömi qampis aska dioskunata sirvishkanki. Nawpataqa leynïkunata cäsukur pïmaytapis yanaparmi kawarqayki. Kananqa wanusikuqmanmi tikrashkanki.

Isaías 1:6

Chaki puntaykipita uma jirkaykiyaq manami sänu kansu. Intëru cuerpuykipis qerilanami, qoyuy qoyuylami y poqrur jakashlami kaykan. Manami pipis jampishushkankisu ni püchapäshushkankisu. Nanayniki päsananpaq aceitilatapis manami winapäshushkankisu.

Isaías 27:2

Say wisanmi Tayta Dios ninqa: <

Isaías 3:14

Saymi mayor runakunata y mandaqkunata Tayta Dios qayasir ninqa: <

Isaías 3:15

Kuyashqä runakunata ¿imanirtaq sayno nakaykäsiyanki? Pobrikunatapis ¿imanirtaq sayno alquysakuykäyanki? Lapanta mandaq Tayta Dios karmi sayno nï>>.

Isaías 3:17

Sayno kayashqanpita qarachu qeshyawan castigaptïmi qara putuyash penqaypaq puriyanqa>>.

Isaías 30:12

Sayno niyaptikimi Israel runakunapa santu Diosnin nin: <

Isaías 46:12

<

Isaías 5:2

Rumikunata waklaskirmi shumaq corralarqan. Ali nawiyuq üva plantakunatami sayman plantarqan. Üva chakra chawpinchönami täpananpaq törrita sharkasirqan. Üvata palaskir jarunanpaqpis tinäcutami rurarqan. Yanasä yarparqan mishkiqta üvan wayunanpaq kashqantami. Nishqan kaqqa pochquqtami üvan wayush.

Isaías 59:13

Tayta Diosninsita imapaqpis mana cuentarmi nishqankunata cäsunsisu. Lutanta ruranansipaq y runa mayinsita engañanalansipaqmi wilanakunsi.

Isaías 59:14

Juezkunapis ali runapa contranmi rikakuyan. Alita rurananpaq manami pipis yarpannasu. Rasuntanöraq parlarmi pïmaytapis criyirasiyan. Pïmaypis suwapänakularmi kawayan.

Isaías 59:4

Manami pipis alita rurananpaq yarpachakunsu. Demandakuqpis manami rasun kaqtaqa parlansu. Autoridäkunapis lulakuqtami mas criyiyan. Manami pipis rasun kaqtaqa parlansu. Jusalikuyman churakashqami kaykäyan.

Isaías 62:5

Jipashwan maqta majasakashqannömi Tayta Diospis qamwan majasakanqa. Warminwan runa kushish kawashqannömi Tayta Diospis qamwan kushish kanqa.

Jeremías 12:10

<

Jeremías 24:2

Jukaq canastachöqa punta poquq hïgus maypis mikukuykay munaymi karqan. Jukaq canastachönami pasaypa melanaypaq ismush hïguskuna karqan.

Jeremías 50:46

Babilonia marka sayno ushakaptin maysaychömi pasapis kuyunqa. Fiyupa qaparäyashqanpis maysay nacionmanmi wiyakanqa>>.

Ezequiel 22:29

<<

Oseas 10:1

Israel runakunaqa rïcu kayashpanmi tampiyparaq wayuq üvano kaykäyan. Rïcuyarmi manakaq dioskunapaq altarkunata ruraykäyan. Mikuynin wayuptinpis adorayashqan wankakunatami kuyaylapaqta adornaykäyan.

Miqueas 6:12

Kay markacho kaq rïcu runakunaqa runa mayinta nakasiq, runa mayinta engañaq y lulakuqlami kaykäyan.

Miqueas 6:8

Tayta Dios imata munashqantapis nimashkansinami. Pay munaykan ali kaqlata ruranansita, runa mayinsita kuyapänansita y mana runa tukuypa pay nishqanta cäsukunansitami.

Habacuc 1:3

¡Imayyaqraq mana alikunata rurayashqanta rikashaq! Kaychöqa wanusinakuyla y ushakäsinakuylami kaykan. Maysaychöpis rimanakuyla y chikinakuylami kaykan.

Sofonías 3:17

Qamkunawanmi Tayta Dios kaykan. Munayyuq karmi salvayäshunki. Kuyayäshushpaykimi mushuq kawayta qoyäshunki. Qamkunapaq seqaypa kushikurmi

Mateo 23:23

<<¡Wawalaw, ishkay cära fariseukuna y ley yachasiqkuna! Qamkunaqa mentapita, anispita y comïnuspita diezmuta rakiykarpis mas cäsukuyänaykipaq kaq mandamientukunata manami cumpliyankisu. Say mandamientukuna nikan runa mayikita ali rikayänaykipaq, kuyapäyänaykipaq y Tayta Diosta awniyashqaykita cumpliyänaykipaqmi. Diezmupaq rakir cumpliyashqaykino say mandamientukunatapis cumpliyankiman.

Lucas 18:7

¿Manasuraq Tayta Diospis akrashqankunata yanapanqa paqasta junaqta manakuyaptin? Mana shuyaräsiylapami yanapanqa.

Juan 15:2

Mayqan rämäpis mana wayuptinqa Taytämi muturiykunqa. Wayuq kaqtami isanqa mas wayunanpaq shumaq rämapanqa.

Deuteronomio 15:9

Jaqakunata perdonayänan wata chämunanpaq kashqantana tantiyar ama yarpäyankisu manana prestayänaykipaq kashqanta, saypa trukanqa manakuyäshuptiki prestayanki. Mana prestayaptikiqa nisidächo kaykaq runa Tayta Diosman quejakuptin jusayuqmi rikakuyanki.

Santiago 5:4

Mana pägaypa arusiyashqaykipitami minkaynikikuna Tayta Diosta waqapaykäyan. Paykuna manakuyashqanta lapanta mandaq Tayta Dios wiyashnami.