Isaías 2:5 - Tayta Diospa Wilakuynin

⁵ Jacobpita miraq runakuna, shayämuy. Tayta Dios nimashqansita cäsukur kawashun.

Isaías 2:5 ပူးပေါင်းရင်းမြစ်များ

Salmo 36:10

10 (11) Qamman yärakamuqkunata kuyapaykulay. Munashqaykino kawaq runakunata yanapaykulay.

Salmo 89:15

15 (16) Kushishqami kawayanqa alabashuqnikikuna. Tayta Dios, paykunaqa nawpaykichömi kawayan.

Salmo 89:16

16 (17) Jutikita joqarirmi waran waran kushish kawayan. Alita ruraq kashqaykipitami kushikuyan.

Isaías 2:3

Saynölami Sión lömapita Tayta Diospa yachasikuyninta maysaymanpis apayanqa. Jerusalénpita pasami palabranta wilakuyanqa. Maysay nacionpita runakuna Jerusalénman aywarmi niyanqa: <>.

Isaías 58:1

Tayta Diosmi nimarqan: <<¡Mana mansariypa lapan kalpaykiwan qayakuy! ¡Cornëta waqashqan wiyakaqnöraq qayakushqayki wiyakäsun! ¡Jacobpita miraq kuyashqä runakuna jusalikuyashqanta tantiyasiy!

Lucas 1:79

Aksino karmi sakäpakushno kawaqkunata y wanuyta mansaqkunata salvanqa. Paymi tantiyasimäshun jawkala kawanansipaq>>.

Efesios 5:8

Nawpataqa qamkunapis jusalikuyashpayki sakaqcho kaykaqnömi kawayarqayki. Kananmi isanqa Jesucristuta chaskikur asikyaqchöna kawaykäyanki. Sayno kaykarnaqa Tayta Dios munashqanno waran waran kawayay.

1 Juan 1:5

Jesucristo yachasiyämashlantami wilayä: Tayta Diosqa aksimi. Paycho manami ima sakaypis kansu.

1 Juan 1:7

Tayta Dios asikyaycho kashqanno noqansipis asikyaycho kawarmi jukninsi jukninsi kuyanakuykansi. Saynöpis Surin Jesucristumi yawarninwan lapan jusansita maylamansi.