Isaías 11:4 - Tayta Diospa Wilakuynin

⁴ Pïninpis mana kaqkunapa favorninmi sharkunqa. Pobrikunatapis intëru nacionninsichömi respitasinqa. Parlashlanwanmi runakuna wanuyanqa. Fiyu runakunatapis juk pükaylami ushakärasinqa.

Isaías 11:4 ပူးပေါင်းရင်းမြစ်များ

2 Samuel 8:15

Israel runakunapa mandaqnin rey kar lapantapis David shumaqmi rikarqan y pitapis shumaqmi juzgarqan.

Job 15:30

<

Job 4:9

Say niraq runataqa Tayta Diosmi castigan. Rabyashpan lapantami ushakäsin.

Salmo 110:2

Siónpita pasa mandaq kanaykipaqmi Tayta Dios yanapaykäshunki. Mandaq kaykarqa chikishuqnikikunata munaynikichöna sararaykulay.

Salmo 18:8

8 (9) Senqanpitami qoshtaypis yarqamurqan. Shiminpitami ninapis yarqamurqan. Arquykaq shanshatapis aqtumurqanmi.

Salmo 2:9

Fiërru väraykiwanmi nacionkunata vincir ushakäsinkipaq. Alpa mankata shaluriqnömi paykunata asulankipaq>>.

Salmo 76:10

10 (11) Saynöpami rabyash kaykaq runakunapis alabayäshunki. Castïguykipita qeshpiqkunaqa tantiyakuyashpanmi alabayäshunki.

Isaías 1:17

Saypa trukanqa alitana rurayay. Demandukunata shumaq juzgayay. Nakaqkunata yanapäyay. Waksakuna quejakuyashqanta shumaq arreglayay. Viüdakunatapis yanapäyay>>.

Isaías 13:11

Tayta Diosmi nin: <

Isaías 14:30

<

Isaías 16:5

Davidpita miraqmi isanqa rey kanqa. Payqa kanqa kuyapäkuqmi. Payqa kanqa mana chaskipakuq juezmi. Mana shuyaräsiylapami pitapis ali arreglanqa.

Isaías 2:4

Aska nación runakuna chikinakuyaptinpis Tayta Diosmi arreglanqa. Say nacionkuna jatun kayaptinpis paymi juzganqa. Juk markawan juk marka guërrata manami rurayanqanasu. Guërracho pelyayänanpaqpis manami kamarikuyanqanasu. Maysaychöpis runakuna espädankunapitami planchonkunatana rurasiyanqa. Lanzankunapitanami ösita rurasiyanqa.

Isaías 26:6

Ushakäsiptinmi pobrikunapis, muchuqkunapis say runakunata asipäyanqa.

Isaías 29:19

Tayta Dios yanapaptinmi humildikuna kushikuyanqa. Israel runakunapa santu Diosnin yanapaptinmi muchuqkunapis kushish kawayanqa.

Isaías 3:14

Saymi mayor runakunata y mandaqkunata Tayta Dios qayasir ninqa: <

Isaías 30:28

Pükashqanpis fiyupa jakash mayu runata apaqnömi kaykan. Pay shamuykan juklä nación runakunata shuyshunawan shoqshiqno lapanta ushakäsinanpaqmi. Cawallupa shiminman frënuta churaparkur mana munashqanpa apaqnömi say runakunata desgraciaman apanqa.

Isaías 30:31

Pay olqushqanta wiyalarmi Asiria nación runakuna ushakäyanqa. Asiria runakunata tukrunwanmi Tayta Dios wirunqa.

Isaías 30:33

Asiria runakunapa mandaqnin rey nakananpaq unaypitanami juk sitiu kamarish kaykan. Say kamarishqan sitiuqa jatunkaraymi. Saycho rupananpaqmi yantapis kamarishna kaykan. Tayta Dios pükamuriptinmi shiminpita aska azufri yarqamunqa. Saywan ninata ratasirmi say reyta ushakärasinqa.

Isaías 32:1

Juk reymi kanqa shumaq juzgashpan ali mandaq. Yanapaqnin autoridäkunapis shumaqmi juzgayanqa.

Isaías 32:7

Engañakuq runaqa pitapis engañaskinmi. Lutanta yarpachakurmi uysuran. Pobrikuna y humildikuna demandakuyaptinpis manakaqtami jitapan.

Isaías 33:22

Tayta Diosmi juezninsi. Tayta Diosmi leykunata qomashkansi. Tayta Diosmi mandamaqninsi rey. Paymi contrapartinsikunapita sapämäshun.

Isaías 40:7

Akaq wayrata Tayta Dios pükaramuptinqa qewapis sakikäkunmi, waytapis wanutakäkunmi. Runakuna rasunpaypami qewanöla kaykäyan.

Isaías 49:2

Parlashqäpis ali afilash espädano kananpaqmi kamakäsish. Makinwanmi imaykapitapis sapämash. Llawchi punta flëchano kanäpaqmi churamash. Flëchanta purisikunanman winashnömi kaykä.

Isaías 61:1

Tayta Dios akramash karmi Espïritunta noqaman kachamush. Paymi kachamash pobrikunata ali wilakuyninta wilanäpaq, lakish kawaqkunata shakyäsinäpaq, juklä nacionman prësu aywaqkuna librina kayashqanta wilanäpaq y carcilcho wichqaraykaqkunatapis yarqayämunanpaq kashqanta wilanäpaq.

Isaías 9:7

7 (6) Rey David jamashqan trönuman jamaykurmi imayyaqpis mandamäshun. Munaynincho kashpansimi imaypis ali kawashun. Tayta Dios munashqannöla mandarmi ali kaqlata imaypis ruranqa. Lapanta mandaq Tayta Dios kuyamashpansimi sayno kananpaq kamakäsinqa.

Jeremías 33:15

Say wisanmi David ayllupita Renuevo niyashqan runata churashaq rey kananpaq. Munashqäno mandarmi kay nacioncho pïmaytapis ali rikanqa.

Jeremías 5:28

Ali alita mikurmi weray weray kaykäyan. Mana wanakuypami lutankunata ruraykäyan. Waksakuna quejakuyaptinpis manami favornin sharkuyansu. Nakaykaqta rikaykarpis manami yanapäyansu.

Oseas 6:5

Saymi profëtäkunawan wilakasimushqäno qamkunata ushakäsiyashkä. Wilakasimushqänömi qamkunata wanusiyashkä. Wilakuynï aksino karmi tantiyasiyäshushkanki jusayuq kayashqaykita.

Sofonías 2:3

Kay pasacho ali shonqu runakuna, Tayta Diosta lapayki ashiyay. Mandamientunkunata cäsukuqkuna, mana yachaq tukuylapa pay munashqanno kawayay. Sayno kawayaptikiqa capazchir Tayta Dios rabyanan junaq salvayäshunkimanpis.

Malaquías 4:6

6 (3.24) Pay wilakuptinmi mamanpis wawankunawan y papäninpis surinkunawan amistayanqa. Surinkunapis papäninwan y mamanwan amistayanqa. Mana amistayaptinqa shamushqä hörami nacionninta ushakäsishaq>>.

Mateo 11:5

Qaprakuna rikayannami. Makllukuna puriyannami. Leprawan qeshyaqkuna aliyashnami. Upakuna wiyayannami. Wanushkuna kawariyämushnami. Muchuqkunapis Tayta Diospa ali wilakuyninta wiyaykäyannami.

Mateo 5:5

<

Hechos 9:1

Saulunami Señor Jesúspa discïpulunkunata wanusiyta munashpan mas mandaq cüraman aywar

2 Corintios 10:1

Jesucristo kuyapäyäshuptikimi noqa Pablo qamkunata ruwakü. Wakinnikishi manakaqman churayämashpayki nikäyanki: <>.

Gálatas 5:23

humildi kansi y alilata ruranansipaq tantiyakunsi. Sayno kawarqa manami ima leytapis manakaqman churaykansisu.

2 Tesalonicenses 2:8

Paytami Señor Jesucristo chipipiykar kutimur juk pükayla ushakärasinqa.

Tito 3:2

Saynöpis yachasinki washarima mana kayänanpaq, pitapis mana wajupäyänanpaq, ali shonquyuq kayänanpaq y pïmaywanpis ali rikanakur kawayänanpaq.

Santiago 3:13

Qamkuna kaqcho mayqanpis yachaq y tantiyaq karqa mana yachaq tukuylapa alikunata rurasun. Sayno kawaptinraqmi yachaq kashqan musyakanqa.

Apocalípsis 1:16

Aluq kaq makinchömi qanchis qoyllarkunata sarararqan. Shiminpitanami ishkan lädunpa afilash espäda yarqamurqan. Qaqlanpis intinöraqmi chipipirqan.

Apocalípsis 19:11

Saypitanami jana pasa kichakämuptin rikarqä yuraq cawalluta. Loqaraqninpa jutinmi karqan Nishqanta Rasunpa Cumpliq. Paymi pitapis mana jananpaylapa juzgan. Mana ali ruraqkunata ushakäsinanpaqmi guërratapis ruran.

Apocalípsis 19:15

Yuraq cawallun loqaraqpa shiminpitami afilash espäda yarqamurqan. Nacionkunata say espädawan vincirkurmi fiërru väran aptakurkur mandanqa. Nacionkunata castigarmi üvata jarukunan pözucho jaruqno castiganqa. Sayno castigarmi lapanpaq munayyuq Tayta Dios fiyupa rabyashqanta musyasinqa.

Apocalípsis 2:16

Sayno kaykaptinqa wanakuyashpayki say yachasikuykunata kachariyay. Mana kachariyaptikiqa qamkuna kaqman elaqpita shamur shimïpita yarqamuq espädawanmi ushakäsiyäshayki.