Isaías 10:2 - Tayta Diospa Wilakuynin

² Pobrikunatapis manami cäsuyankisu. Paykuna demandakuyaptinpis manami arreglayankisu. Viüdakunapa imaykantapis qechuykäyankimi. Waksakunatapis suwapaykäyankimi.

Isaías 10:2 ပူးပေါင်းရင်းမြစ်များ

Job 31:16

<

Salmo 94:6

Viüdakunata, jäpakunata y waksakunatami wanusiyan.

Éxodo 23:6

<

Proverbios 22:22

Pobri kashqanta rikaykar pitapis ama suwapankisu. Pïninpis mana kaqkunata juezpa nawpancho ama tumpankisu.

Proverbios 30:14

Wakin runakunanaqa ambiciösu karmi pobrikunapa imaykantapis qechur qarapachayan. Mana kuyapäkuq kayaptinmi paykunapaqa kirunpis espädanöraq y waqunpis puñalnöraq kaykan.

Isaías 1:17

Saypa trukanqa alitana rurayay. Demandukunata shumaq juzgayay. Nakaqkunata yanapäyay. Waksakuna quejakuyashqanta shumaq arreglayay. Viüdakunatapis yanapäyay>>.

Isaías 1:23

Autoridänikikunapis Tayta Diosta manami wiyakuyansu. Suwakuqkunata janansarmi chaskipakuyan. Ima demandulatapis arreglayänanpaq cobrayanmi. Waksakunata manami respitasiyansu. Viüdakuna demandakuyaptinpis manami cäsuyansu.

Isaías 29:21

Saynölami runa mayinta tumpaqkunata, juezkunata lulapaqkunata y jusaynaq runakunata manakaqta jitapaqkunatapis Tayta Dios ushakäsinqa.

Isaías 3:14

Saymi mayor runakunata y mandaqkunata Tayta Dios qayasir ninqa: <

Isaías 3:15

Kuyashqä runakunata ¿imanirtaq sayno nakaykäsiyanki? Pobrikunatapis ¿imanirtaq sayno alquysakuykäyanki? Lapanta mandaq Tayta Dios karmi sayno nï>>.

Isaías 32:6

Fiyu runaqa mana alilatami parlan. Mana alita ruranalanpaqmi yarpachakun. Tayta Diospaqpis lutankunatami parlan. Mikanaqkunatapis manami imalatapis amuparkunsu. Yakunaqkunatapis manami yakuta makyaykunsu.

Isaías 5:23

Chaskipakuyänan kashqami jusayuqtapis jusaynaq kashqanta niskiyan. Jusaynaqtapis jusayuq kashqantami niskiyan.

Isaías 5:7

Lapanta mandaq Tayta Diospa üva chakranqa Israel runakuna y Judá runakunami kaykäyan. Tayta Dios paykunata kuyar leyninkunata cumpliyänanpaq nikaptinpis wanusinakuylachömi kakuyan. Yanapänakuyänanpaq nikaptinpis nakaqkuna waqayashlanmi wiyakaykan.

Isaías 59:15

Lapanpis lulakuyanmi. Ali runakunatapis carcilmanmi wichqayan. Sayta rikarmi Tayta Dios fiyupa rabyanan.

Jeremías 7:6

Jäpa runakunata, waksakunata y viüdakunata ama nakasiyaysu. Ali runakunata ama wanusiyaysu. Juk dioskunatapis ama adorayaysu. Juk dioskunata adorarqa desgraciamanmi chäyankipaq.

Lamentaciones 3:35

Saynöpis rikaykanmi pï runata alquysakuyashqanta.

Ezequiel 22:7

Mamaykita ni taytaykitapis manami respitaykäyankisu. Jäpa runakunatapis nakaykäsiyankimi. Viüdakunata y waksakunatapis alquysakuykäyankimi.

Amós 2:6

Tayta Diosmi nin: <

Amós 2:7

Pobrikunata y humildikunatami munayashqaykita ruraykäsiyanki. Juez kaykarpis manami quejakuyashqanta arreglayankisu. Wakinnikiqa taytaykiwan say warmilatami manijaykäyanki. Sayno rurar santu jutïta manakaqmanmi churaykäyanki.

Amós 5:19

Say junaq kanqa leonpita qeshpir ukumaryawan tinkuqnömi. Saynöpis kanqa wayinman yaykur tuknakuptin perqa uchkupita makinta culebra picamuqnömi.

Miqueas 3:1

Saypitanami noqa nirqä: ¡Jacobpita miraq runakunapa autoridäninkuna! ¡Israel runakunapa mandaqninkuna! ¡Shumaq wiyayämay! ¿Manaku tantiyakuyanki ali kaqta rurayänaykipaq kashqanta?

Malaquías 3:5

Lapanta mandaq Tayta Diosmi nin: <>.

Mateo 23:13

<<¡Wawalaw, ishkay cära fariseukuna y ley yachasiqkuna! Wayi punkuta wichqapaqnömi Tayta Dios mandaykashqanman pipis mana yaykuyänanpaq sapata churapaykäyanki. Sayno karmi kikikikunapis yaykuyankisu.