Génesis 7:7 - Tayta Diospa Wilakuynin

⁷ Diluviupita salvakuyänanpaqmi arcaman Noé yaykurqan warminwan, surinkunawan y lumsuyninkunawan.

Génesis 7:7 ပူးပေါင်းရင်းမြစ်များ

Génesis 6:18

Qamwanmi isanqa pactuta rurashaq. Saymi arcaman yaykuyanki warmikiwan, surikikunawan y lumsuynikikunawanpis.

Génesis 7:1

Nirkurnami Noéta Tayta Dios nirqan: <

Proverbios 22:3

Shumaq yarpachakuq runaqa ima peligrupitapis cuidakunmi. Mana yarpachakuq runami isanqa desgraciaman chan.

Mateo 24:38

Diluviu manaraq kaptin arcaman Noé yaykushqan junaqyaqmi runakuna mikur, upyar y majasakar kaykäyarqan.

Lucas 17:27

Arcaman Noé yaykushqan junaqyaqmi runakuna mikur, upyar y majasakar kaykäyarqan. Sayno kaykäyaptinmi diluviu shamur lapan runakunata ushakäsirqan.

Hebreos 11:7

Noépis Tayta Diosman yärakurmi arcata rurarqan diluviupita surinkunawan y lumsuyninkunawan salvakuyänanpaq. Diluviu kananpaq kashqanta Tayta Dios wilaptinmi diluviuta manaraq rikarpis arcata rurarqan. Saymi mana yärakuq runakunata Tayta Dios ushakäsirpis Noéta salvar jusaynaqta chaskirqan.

Hebreos 6:18

Tayta Dios juraypa promitishqanta musyar y imaypis mana lulakushqanta musyarmi promitishqanta imaypis cumplinanpaq kashqantapis musyansi. Saymi payman yärakur kushish kawansi.

1 Pedro 3:20

Say espïritukunaqa Noé kawashqan wisan Diosta mana wiyakuqmi kayarqan. Say wisan runakuna jusalikuyaptinpis Tayta Dios manami juklasu castigarqan, sinöqa shuyararqan arca rurayta Noé ushashqanyaqmi. Say arcaman puwaq runakunalami yaykuyarqan. Paykunalami yaku aynasiptin diluviupita salvakuyarqan.

2 Pedro 2:5

Noé kawashqan wisanpis jusasapa runakunata manami perdonarqansu. Say runakunaqa Tayta Dios munashqanno kawayänanpaq Noé wilapaptinpis manami chaskikuyarqansu. Saymi Tayta Dios diluviuwan ushakäsirqan. Sayno ushakäsirpis Noéta y qanchis runakunalatami salvarqan.