Génesis 50:9 - Tayta Diospa Wilakuynin

⁹ Saymi Joséta walkir carrëtankunawan y cawallunkunawanpis aska runakuna aywayarqan.

Génesis 50:9 ပူးပေါင်းရင်းမြစ်များ

Génesis 41:43

Nirkurnami Joséta wisäsirqan Faraónpa qepanta aywaq carrëtaman. Saynöpis yanapaqninkunata mandarqan puntanta aywar <<¡gobernadorninsita chaskikuyay!>> niyänanpaq. Saynöpami Egiptucho gobernador kananpaq Joséta churarqan.

Génesis 46:29

Josénami cawalluwan qarachana carrëtanta alistarkasir papäninwan tinkuq aywarqan. Papäninwan tinkuykurmi makalanakurkur waqapänakuyarqan.

Génesis 50:10

Jordán mayu simpan Goren-ha-atad pampaman chaykurmi lakikur waqayarqan. Saychömi Josépis taytanta lütur qanchis junaq waqar qoyarqan.

Génesis 50:8

Saynöpis Josépa surinkuna, wilkankuna, wawqinkuna y lapan castankunami aywayarqan. Gosénchöqa uywakunawan wamrakunalami quëdayarqan.

2 Reyes 18:24

Guërra carrëtakunata y cawallu loqakuqkunata Egiptupita apamurpis sayraq yachakuq capitannïkuna mandashqan soldädunkunalatapis manami vinciyta kamäpakuyankipaqsu.

Éxodo 14:17

Egipto runakuna qatipäyäshunaykipaq noqami shonqunta chukruyäsishaq. Kananmi Faraónta, soldädunkunata, carrëtankunata y cawallunkunatapis ushakäsiptï munayyuq kashqäta pïmaypis musyanqa.

Éxodo 14:28

Rakiraykashqanpita yaku kutirmi Faraónpa carrëtankunatapis, cawallunkunatapis soldädunkunatapis chipyaq nitirqan. Saymi Israel runakunata qatipar yaykuqkunaqa lapan ushakäyarqan.

Cantares 1:9

Kuyaynï, Faraónpa carrëtanta qarachaq fïna yëwanömi kuyaylapaq kaykanki.

Hechos 8:2

Estebanpa ayantami Tayta Dios munashqanno kawaqkuna fiyupa lakikuyashpan pampayarqan.