Génesis 50:1 - Tayta Diospa Wilakuynin

¹ Papänin päsarpuptinmi José marqakurkur waqashpan musarqan.

Génesis 50:1 ပူးပေါင်းရင်းမြစ်များ

Génesis 23:2

Quiriat-Arbacho kaykarmi Sara wanurqan. Quiriat-Arbapa jukaq jutinmi kaykan Hebrón. Say kaykan Canaánchömi. Sara wanuykuptinmi Abraham fiyupa waqashpan lüturqan.

Génesis 46:4

Egiptuman aywaptikipis yanapäshaykimi. Wanuptikipis nawpaykichömi suriki José kaykanqa. Saypitapis qampita miraqkunata Egiptupita kikïmi jorqamushaq>>.

Génesis 49:33

Surinkunata sayno yäsirkurmi Jacob cämanman chachaykur päsarpurqan.

Génesis 50:2

Nirkurnami makincho kaykaq mëdicukunata papäninpa ayanta chukrusipäyänanpaq José nirqan. José nishqannölami mëdicukuna rurayarqan.

2 Reyes 13:14

Pasaypa ansa qeshyar profëta Eliseo jitaraykaptinmi Israel nacionpa mandaqnin rey Joás watukaq aywarqan. Chaykurmi makalakurkur waqashpan Eliseuta nirqan: <<¡Ay taytay! ¡Israel runakunapa guërra carrëtankunata y cawallunkunatami rikaykä!>>

Hechos 8:2

Estebanpa ayantami Tayta Dios munashqanno kawaqkuna fiyupa lakikuyashpan pampayarqan.

Efesios 6:4

Wamrayuqkuna, wamraykikunata ama rabyanäsiyaysu. Saypa trukanqa Señor Jesucristo munashqanno kawayänanpaq shumaq tantiyasiyay.

1 Tesalonicenses 4:13

Wawqi panikuna, wanurpis kawarimunansipaq kashqanta musyayänaykitami munä. Wakin runakunaqa wanur pamparäyashlancho ushakäyänanpaq kashqanta yarparmi fiyupa lakikuyan. Noqansiqa paykunano ama lakikushunsu.