Génesis 43:12 - Tayta Diospa Wilakuynin

¹² Qellaytapis puntata kutisiyämushushqaykitawan yapay apayay. Kutisimushqayki qellaytaqa chaykular kikinpa makinman entregayanki. Capazchir pantaypapis costalnikikunaman winarkayämurqan.

Génesis 43:12 ပူးပေါင်းရင်းမြစ်များ

Génesis 42:25

Saypitanami ashmayninta nirqan costalninkunaman trïguta winapänanpaq. Saynöpis nirqan trïgupa chanin qellayta costalninkunaman jatiparkunanpaq y mirkapatapis qepipänanpaq. José nishqannölami lapantapis rurarqan.

Génesis 42:35

Sayno wilapaskir trïguta talipakuyashqanchömi costalninkunacho bolsawan qellayninkuna kaykaqta tariyarqan. Sayno tariykurmi kikinkunapis papäninpis pasakaqtaraq mansakäyarqan.

Génesis 43:13

Shulka wawqikita pushakurkur say mandaq runa kaqman jukla aywayay.

Génesis 43:21

Kaypita kutir posädakuyashqächo cargäkunata paskapakurmi costalnïkunapa shimincho pägayashqä qellayta tariyashkä. Trïgupita pägayashqä qellay complëtumi kaykänaq. Say qellayta entregaykuyänäpaqmi kutisiyämushkä.

Génesis 43:22

Say jananmanmi qellayta apayämushkä trïguta yapay rantiyänäpaq. Isanqa manami musyayäsu punta kaq qellayta costalnïkunaman pï winapäyämashqantapis>>.

Romanos 12:17

Chikiyäshuptikipis ama chikiyaysu. Saypa trukanqa pïmaypis rikakunanpaq alilata rurar kawayay.

Romanos 13:8

Pipapis jaqan karqa pägayay. Jaqa kaynikita pägayänaykipaq yarpachakuyashqaykinöla kuyanakuyänaykipaqpis yarpachakuyay. Runa mayinsita kuyarqa Tayta Diospa lapan leyninkunatami cumpliykansi.

2 Corintios 8:21

Tayta Diospa nawpanchöpis y runakunapa nawpanchöpis alilatami rurayta munä.

Filipenses 4:8

Wawqi panikuna, rasun kaqkunapaq, ali ruraykunapaq y ali kawaypaq imaypis yarpachakuyay. Imapis ali kaptin o alabanansipaq kaptinqa saykunapaqpis yarpachakuyay.

1 Tesalonicenses 4:6

Sayno kaptinqa ama mayqaykikunapis jukpa warminwan kakuyaysu. Sayno kakurqa runa mayikitami engañaykanki. Wilayashkänami sayno kaqkunataqa Señor Jesucristo mana kuyapaypa castigananpaq kashqanta.

1 Tesalonicenses 5:21

Isanqa shumaq tantiyakuyanki Espíritu Santupita kashqanta o mana kashqantapis. Paypita kaptinqa chaskikuyanki.

Hebreos 13:8

Jesucristuqa unaypis, kananpis y imayyaqpis kashqannölami kaykan.