Génesis 42:6 - Tayta Diospa Wilakuynin

⁶ Egipto nacionpa gobernadornin karmi maysay nacionpita trïgu rantiq aywaqtapis José rantikuq. Saymi Josépa wawqinkuna trïgu rantiq chaykur urkunkunapis pasaman töpashqanyaq nawpanman qonqurpakuykuyarqan.

Génesis 42:6 ပူးပေါင်းရင်းမြစ်များ

Génesis 18:2

Saychömi Abraham elaqpita rikarqan kimsa runakuna ichiraykäyaqta. Saymi chaskikuq cörrila aywar nawpanman qonqurpakuykur

Génesis 19:1

Pasa sakaykaptinnami Sodomaman chäyarqan nawpaq ishkan angilkuna. Lotnami jamaraykarqan markaman yaykuna sawan punkucho. Rikaskirmi paykunapa nawpanman urkuntapis pasaman töpasiypa Lot qonqurpakuykurqan.

Génesis 33:3

Nirkurnami Jacob paykunapa puntanman churakarkur aywarqan. Wawqinwan tinkushqanyaqmi qanchis kuti qonqurpakuraykar aywarqan.

Génesis 41:43

Nirkurnami Joséta wisäsirqan Faraónpa qepanta aywaq carrëtaman. Saynöpis yanapaqninkunata mandarqan puntanta aywar <<¡gobernadorninsita chaskikuyay!>> niyänanpaq. Saynöpami Egiptucho gobernador kananpaq Joséta churarqan.

Génesis 41:54

Saypita José nishqannölami maysay nacionchöpis fiyupa muchuyna qalaykurqan. Egiptuchömi isanqa runakuna rantiyänanpaq José pirwasishqan saysika mikuy karqan.

Génesis 41:57

May nacionchöpis mikuy mana kaptinnami maysaypitapis Egiptuman aywayarqan Josépita trïguta rantiyänanpaq.

Génesis 44:14

Wawqinkunawan Judá kutirmi José wayilanchöraq kaykaqta tariyarqan. Saymi pasaypa lakikuyashpan nawpanman lätakuykuyarqan.

Génesis 45:26

José kawaykashqanta y Egiptucho mandaq kaykashqanta wilayaptinmi Jacob ima niytapis kamäpakurqansu ni criyirqansu.

Génesis 45:8

Tayta Dios munaptinmi qamkuna mana tantiyarpis rantikayämarqayki. Saymi kay nacioncho noqata churamash Faraónta mandäsinäpaq, wayinta rikanäpaq y lapan Egipto runakunapa gobernadornin kanäpaqpis.

Génesis 48:12

Surinkunata papäninpa qonqurninpita witiskasirmi puntanman José qonqurpakurqan urkunpis pasaman töpashqanyaq.

Proverbios 11:26

Trïguta kikilanpaq acaparakuptinqa maldicionayanmi. Rantikuptinmi isanqa agradëcikuyan.

Isaías 60:14

Nakasishuqnikikunapa wamrankunapis respitayäshushpaykimi soqpakayämunqa. Manakaqman churashuqnikikunapis lapanmi qonqurpakayämunqa. Paykunami niyanqa Tayta Diospa markan kashqaykita. Saynöpis niyanqa Israel runakunapa santu Tayta Diosnin tashqan Sión kashqaykitami.

Hechos 7:10

imayka desgraciapitapis salvanaq. Tantiyakuq kananpaq yanapaptinshi Egipto nacionpa mandaqnin Faraón payta churanaq palaciuncho aruqkunata mandananpaq y Egipto naciontapis mandäsinanpaq.

Apocalípsis 3:9

< nikarpis lulakuykäyanmi. Paykunaqa Satanás munashqantami ruraykäyan. Tayta Dios kuyashqan runakuna kayashqanta niyaptinpis qamkunatami noqa kuyä. Sayta musyayänanpaqmi puntaykiman qonqurpakuyänanpaq mandashaq.

1 Samuel 20:41

Wamra aywaskiptinnami pakaraykashqanpita David yarqaskamur Jonatánpa puntanman kimsa kuti qonqurpakurqan urkunpis pasaman töpashqanyaq. Saypitami ishkan makalanakurkur waqayarqan. Davidmi Jonatánpitapis mas waqarqan.