Génesis 41:49 - Tayta Diospa Wilakuynin

⁴⁹ Lamar kuchuncho aqushatanöraqmi José saysika trïguta shuntasirqan. Saysika kaptinmi tupuytapis atiparqannasu.

Génesis 41:49 ပူးပေါင်းရင်းမြစ်များ

Génesis 22:17

Rasunpaypami bendicionnïta qoshayki. Saynöpis askaman mirayänanpaqmi qampita miraqkunata yanapäshaq. Jana pasacho qoyllarkunanömi y lamar kuchuncho aqushakunanömi yupaytapis mana atipaypaq kayanqa. Paykunaqa chikiqninkunatapis lapantami vinciyanqa.

Génesis 41:48

Saymi qanchis wata maysay markakunacho trïguta José shuntasirqan. Shuntasishqan trïgutami cada markacho pirwasirqan.

Génesis 41:50

Manaraq muchuy qalaykuptinmi Josépa ishkay surinkuna warmin Asenatcho yuriyarqan.

Job 1:3

Saynölami karqan qanchis waranqa (7,000) uyshankuna, kimsa waranqa (3,000) camëllunkuna, pisqa pachak (500) yuntankuna, pisqa pachak (500) ashnunkuna y askaq ashmayninkunapis. Tashqan kaqchöqa lapanpitapis mas rïcu y respitashqami karqan.

Salmo 78:27

Say wayrawanmi codornizkunata chäsirqan. Saynöpami lamar kuchuncho aqushanöraq saysika aysa karqan.

Jeremías 33:22

Qoyllarkuna yupaytapis mana atipaypaq kashqanno y lamar kuchuncho aqusha yupaytapis mana atipaypaq kashqannömi sirvimaqnï Davidpita miraqkuna y sirvimaqnï levitakunapis kayanqa>>.

Jueces 6:5

Say runakunaqa toldunkunata apakurkurmi uywankunawan maypapis aywayaq. Yupaytapis mana atipaypaq camëllunkunawan aywarmi chakrakunacho lapan wayuq mikuykunata saysika chukluskunanöraq ushayaq.

Jueces 7:12

Campamentunchömi madianita runakuna, amalecita runakuna y inti jeqamunan kaqläpita shamuq wakin runakunapis pitishnöraq saysika shuntaraykäyarqan. Saynölami camëllunkunapis yupayta mana atipaypaq kaykäyarqan.

1 Samuel 13:5

Filisteo runakunapis shuntakäyarqan Israel runakunawan pelyayänanpaqmi. Filisteo runakunapami karqan kimsa chunka waranqa (30,000) carrëtankuna y soqta waranqa (6,000) cawallun loqash soldädunkuna. Chakilapa aywaq soldädukunanami kayarqan lamar kuchuncho aqunöraq yupaytapis mana atipaypaq. Paykunami shuntakäyarqan Micmascho. Micmasqa Bet-avén inti jeqamunan kaqläpami karqan.