Génesis 41:46 - Tayta Diospa Wilakuynin

⁴⁶ Kimsa chunka (30) watayuq kaykaptinmi Joséta Faraón kaqman apayarqan. Saypitanami intëru Egiptupa José markan markan purirqan runakuna kamarikuyänanpaq yäsishpan.

Génesis 41:46 ပူးပေါင်းရင်းမြစ်များ

Génesis 37:2

Kaychömi qelqaraykan Jacobpita y surinkunapitapis. Chunka qanchis watayuq kaykarmi José papäninpa uyshankunata y cabrankunata misirqan Bilhapa y Zilpapa wawan kaq wawqinkunawan. Bilhawan Zilpaqa kayarqan taytanpa ashmay kaq warminkunami. Wawqinkuna mana alikunata rurayashqantami Joséqa papäninta imaypis wilapaq.

Génesis 41:47

Qanchis watami intëru Egiptucho shuntaytapis mana atipäyashqanyaq trïgu wayurqan.

Génesis 42:8

José reqiptinpis wawqinkunaqa manami reqiyarqansu.

Génesis 45:6

Ishkay watanami maysaychöpis fiyupa muchuy kaykan. Saynöpis pisqa wata masraqmi muchuy kanqa. Runakuna muruyaptinpis manami mikuy wayunqasu.

2 Samuel 5:4

Kimsa chunka (30) watayuq kaykarmi David mandar qalaykurqan. Payqa Israel nacioncho chusku chunka (40) watami rey karqan.

1 Reyes 12:6

Nirkurnami taytanpa yäsikuqnin mayor runakunawan Roboam shuntakaykur tapukurqan: <<¿Imatataq say runakunata nïman?>> nir.

1 Reyes 12:8

Mayor runakuna yäsiyashqanta chaskikunanpa trukanqa Roboam aywarqan winay mayinkunata tapukuqmi. Paykunatami Roboam churash karqan yäsiqnin kayänanpaq.

Proverbios 22:29

Ali arukuq runaqa mandaqkunapa yanapaqninmi kanqa. Manami común runakunapa munayninchösu kanqa.

Daniel 1:19

Danielwan, Ananíaswan, Misaelwan y Azaríaswan parlaskirnami rey tantiyakurqan lapan maqtakunapitapis mas yachaq kayashqanta. Saymi paykunata churarqan yanapaqnin kayänanpaq.

Daniel 1:4

Say pushayashqan maqtakuna kayarqan sänu, kuyaylapaq, shumaq tantiyakuq, yachasiptin jukla yachakuq y ali yachaq. Saymi paykuna ali kayarqan reypa palaciuncho sirviyänanpaq, Babilonia runakuna qelqayashqankunata estudiayänanpaq y parlayashqan idiömata yachakuyänanpaq.

Números 4:3

Paykunata censayanki kimsa chunka (30) watayuqpita pisqa chunka (50) watayuqyaq. Say edä runakunami Tinkunansi Tolducho imapis ruraypaq kaqkunata rurayanqa.

Lucas 21:36

Sayno kananpaq kaykaptinqa Tayta Diosta imaypis manakur kamarikushla kaykäyay. Saynöpami shamunanpaq kaq nakaykunapita qeshpir Runapa Surinpa nawpancho kushikuyankipaq>>.

Lucas 3:23

Kimsa chunka watayuqnöna kaykarmi Tayta Diospa wilakuyninta wilakur Jesús qalaykurqan. Paypaqmi runakuna yarpäyarqan Josépa surin kashqanta. Josémi karqan Elípa surin.

Judas 1:24

Tayta Dios alabash kaykuläsun. Paymi jusalikuyman mana ishkiyänaykipaq munayninwan imaypis yanapaykäyäshunki. Paymi nawpanman jusaynaqtana pushakuyäshunki imayyaqpis kushish kawayänaykipaq.

1 Samuel 16:21

Saynöpami Saúlpa makinman David char mandunta rurarqan. Saypitanami kuyashpan arman purisiq kananpaqpis Davidta Saúl churarqan.