Génesis 41:45 - Tayta Diospa Wilakuynin

⁴⁵ Nirkurnami Faraón Josépa jutinta trukasirqan Zafnat-panea jutin kananpaq. Saypitanami On markapa cüran Potiferapa surin Asenatwan täsirqan. Saynöpami Egiptucho gobernador kayman José charqan.

Génesis 41:45 ပူးပေါင်းရင်းမြစ်များ

Génesis 14:18

Saymi Salem markapa mandaqnin rey Melquisedecpis sayman chaykur tantatawan vïnuta Abramta qararqan. Melquisedecqa poderyuq Tayta Diosta sirviq cürami karqan.

Génesis 41:50

Manaraq muchuy qalaykuptinmi Josépa ishkay surinkuna warmin Asenatcho yuriyarqan.

Génesis 46:20

Josépami warmin Asenatcho surinkuna kayarqan Manaséswan Efraín. Paykuna yuriyarqan Egiptuchömi. Asenat karqan On markacho taq cüra Potiferapa surinmi.

2 Samuel 20:26

Jairpita miraq Irapis Davidpa cüranmi karqan.

2 Samuel 8:18

Saynöpis Joiadapa surin Benaía karqan cereteo soldädukunapa y peleteo soldädukunapa capitanninmi. Davidpa surinkunaqa cürakunami kayarqan.

Éxodo 2:16

Madiánchömi Reuel jutiyuq runa tarqan. Pay karqan madianita runakunapa cüranmi. Paypa jipash surinkuna qanchisnintinmi kayarqan. Pözu nawpancho Moisés jamaraykaptinmi say qanchis jipashkuna chäyarqan papäninpa uyshankunatawan cabrankunata yakusiq.

Jeremías 43:13

Bet-semescho kaykaq adorayashqan wanka ruminkunatapis aqullarmi ushayanqa. Egipto runakuna adorayashqan dioskunapa templunkunata lapantami rupasir ushayanqa> >>.

Ezequiel 30:17

On markacho y Pibeset markacho taq chölukunapis guërrachömi wanuyanqa. Warmikunatanami juk nacionman prësu apakuyanqa.

Daniel 1:7

Paykunapa jutinta Aspenaz trukasirmi Danielpa jutinta trukasirqan Beltsasar kananpaq, Ananíaspa jutinta trukasirqan Sadrac kananpaq, Misaelpa jutinta trukasirqan Mesac kananpaq y Azaríaspa jutintana trukasirqan Abed-nego kananpaq.

Lucas 2:1

Say wisanmi Augusto César wilakasirqan mandashqan nacionkunacho lapan runakuna censakuyänanpaq.

Hechos 11:28

Saychömi Espíritu Santu tantiyasiptin profëta Agabo wilakurqan maysaychöpis fiyupa muchuy kananpaq kashqanta. Wilakushqannölami muchuy karqan Romacho Claudio César mas mandaq kashqan wisan.