Génesis 41:4 - Tayta Diospa Wilakuynin

⁴ Melanaypaq aqra wäkakunashi qanchis kuyaylapaq wera wäkakunata mikukurkuyänaq. Sayta sueñuykashqanchöshi Faraón rikchakurkunaq.

Génesis 41:4 ပူးပေါင်းရင်းမြစ်များ

Génesis 41:2

Saychöshi kuyaylapaq qanchis wera wäkakuna mayupita yarqaskamur ututu chawpincho qewata mikuykäyaqta rikanaq.

Génesis 41:3

Say wäkakunapa qepantanashi pasaypa melanaypaq qanchis aqra wäkakuna yarqayämunaq. Nirkurshi say wäkakunapis talukäyänaq mayu kuchuncho wakin wäkakuna kaykäyashqanman.

Génesis 41:5

Yapay punukaskir sueñushqanchöshi rikanaq juk yüralapita qanchis espïga trïgukuna winaykämuqta. Say espïgakunashi kuyaylapaq jatusaq kayänaq.

1 Reyes 3:15

Punushqanpita rikcharkamurmi sueñushqanta Salomón tantiyakurqan. Saymi Jerusalénman kutir jukla aywarqan Tayta Diospa Pactu Babulnin kaykashqan kaqman. Saychömi rupasina sacrificiukunata y jawka kawakuy sacrificiukunata rupasirqan. Nirkurmi lapan yanapaqninkunapaq mikuyta rurasirqan.