Génesis 4:21 - Tayta Diospa Wilakuynin

²¹ Jabalpa wawqinmi karqan Jubal. Jubalmi puntata arpata y kënata tukayta yachakurqan.

Génesis 4:21 ပူးပေါင်းရင်းမြစ်များ

Génesis 31:27

¿Imanirtaq upälala qeshpir shakamushkanki? Shakamunaykipaq wilamaptikiqa fiestata rurar panderëtakunatapis arpakunatapis tukar kushishqami despachamüman karqan.

Génesis 4:20

Adami wawanta jutisirqan Jabal jutin kananpaq. Jabalmi wakin runakunapita mas puntata toldukunacho tashpan uywakunata ashmakurqan.

Génesis 4:22

Zilanami qeshyakurqan Tubal-caínta. Tubal-caín herrëru karmi broncipita y fiërrupita imaykatapis ruraq. Paninpa jutinmi karqan Naama.

Job 21:12

Tamburkunata, arpakunata y pinkullukunata tukarmi fiyupa kushikuyashpan tushuyan.

Salmo 150:4

Panderëtata tukapalanpa danzar alabayay. Guitärrata y kënakunata tukapalanpa alabayay.

Isaías 5:12

Aska vïnuta upyar fiestata rurayashqancho arpa, salteriu, tinya y pinkullu waqashqanmi wiyakan. Tayta Dios castigananpaq kashqantami isanqa ichiklatapis tantiyakuyansu.

Amós 6:5

Arpakunatapis waqay waqaylataraq tukarmi versukunatapis mushuqkunalata jamutaykäyanki. Instrumentukunatapis Davidnöraqmi tukuy niraqta ruraykäyanki.