Génesis 29:2 - Tayta Diospa Wilakuynin

² Say jirkachömi pözuta rikarqan. Say pözupa lädunchömi kimsa majäda uyshakuna y cabrakuna kaykäyarqan. Lapan uywakunapis say pözupitaraqmi yakuta upuyaq. Say pözutaqa jatunkaray läja rumimi saparaykarqan.

Génesis 29:2 ပူးပေါင်းရင်းမြစ်များ

Génesis 24:10

Saypitanami alinnin kaq qaraykunata apananpaq kamarikurqan. Say qaraykunata chunka camëllukunawan chaqnakurkurmi Abrahampa wawqin Nacor tashqan markaman aywarqan. Say karqan Mesopotamiachömi.

Génesis 24:11

Inti jeqaykaptinnami marka yaykunaman Abrahampa ashmaynin chaykur camëllukunata pözu nawpanman qonqurpakasirqan. Say hörami jipashkuna pözuman yakukuq aywayaq.

Génesis 24:13

Kay pözu nawpalancho yakukuq shamuq jipashkunata shuyakuykäshaq.

Génesis 29:3

Say läjataqa lapan misikuqkuna chaykurraqmi kichayaq uyshankuna y cabrankuna yakuta upuyänanpaq. Yakuta upuskiyaptinnami yapay läja rumiwan saparkuyaq.

Salmo 23:2

Ali qewakunachömi misiman. Chuya yakumanmi pushaman.

Isaías 49:10

Intipis manami paykunata rupanqasu. Paykunata kuyaparmi chuya yaku pashtashqanpa pusharäshaq. Manami malaqäyanqasu ni yakunäyanqasu.

Juan 4:14

Noqa kamaripashqä yakuta upuq kaqmi isanqa imaypis yakunanqanasu. Say kamaripashqä yaku shonquncho pukyuno kaptinmi imayyaqpis kawanqa>>.

Juan 4:6

Saychömi kaykan Jacob uchkusishqan pözu. Pulan junaqnöna kaykaptinmi say pözuman chaykur Jesús utikash jamaskirqan.

Apocalípsis 7:17

Tayta Dios jamarashqan trönun nawpancho Carnishmi paykunata misinqa. Imaypis mana yakunäyänanpaqmi kawasikuq yakuman pushanqa. Kikin Tayta Diosmi shoqashpan weqinkunatapis pisapanqa>>.

Jueces 5:11

Pukyukunaman chaykur saycho runakuna Diosta alabaykäyaqta wiyayay. Paykunami cantaykäyan contransikunata Tayta Dios vincishqanpita. Payta alabaykäyan pelyash yanapämashqansipitami. Saymi Tayta Dios kuyashqan runakuna mana mansariypa markankunaman kutiyarqan.