Génesis 28:9 - Tayta Diospa Wilakuynin

⁹ Sayta tantiyarmi Esaú aywarqan tiyun Ismael kaqman. Ismael karqan Abrahampa surinmi. Saychönami warminpaq ashirqan Ismaelpa warmi surin Mahalat jipashta. Say jipash karqan Nebaiotpa paninmi. Saynöpami ishkay cananea warmikunawan taykarpis jananman juk warmita ashirqan.

Génesis 28:9 ပူးပေါင်းရင်းမြစ်များ

Génesis 26:34

Esaú chusku chunka (40) watayuq kaykarmi Beeripa surin Juditwan tarqan. Beeri heteo runami karqan. Saynöpis Esaú tarqan Elónpa surin Basematwan. Elónpis heteo runami karqan.

Génesis 36:13

Reuelpa surinkunami kayarqan Nahat, Zera, Sama y Miza. Paykunami kayarqan Esaúpawan warmin Basematpa wilkankuna.

Génesis 36:18

Esaúpa jukaq warmin Aholibamapa wawankunapis mandaqmi kayarqan. Paykunami kayarqan Jeús, Jaalam y Coré. Aholibamaqa Aná jutiyuq runapa surinmi karqan.

Génesis 36:2

Esaú tarqan cananea warmikunawanmi. Jukaq warminpa jutinmi karqan Ada. Pay karqan heteo runa Elónpa surinmi. Jukaq warminpa jutinnami karqan Aholibama. Pay karqan heveo runa Zibeónpa wilkan y Anápa surinmi.

Génesis 36:3

Saynöpis Esaú tarqan prïman Basematwan. Basemat karqan Ismaelpa surin y Nebaiotpa paninmi.