Génesis 28:18 - Tayta Diospa Wilakuynin

¹⁸ Saka sakala sharkurnami jawnarashqan rumita señal kananpaq jawirqan. Nirkurnami Tayta Diosta adorashpan say rumi jananman aceitita jichaparqan.

Génesis 28:18 ပူးပေါင်းရင်းမြစ်များ

Génesis 21:14

Tayta Dios sayno niptinmi Abraham waraynin tuta saka sakala Agarta mirkapata y yakutapis kamariparqan. Saykunata apariparkurmi wawantinta despacharqan. Saymi Beersebalächo sunyaq jirkaman chaykur wawanwan Agar pantakash puriyarqan.

Génesis 22:3

Saymi Abrahamqa waraynin tuta saka sakala yantata seqtarkur ashnunman chaqnakurqan. Nirkurmi ishkay ashmayninkunatawan surin Isaacta pushakurkur aywayarqan.

Génesis 28:11

Sayno aywarmi juk partiman charqan. Saycho sakäpakurmi rumita jawnakurkur punurqan.

Génesis 31:13

Noqami kaykä shamuykaptiki Bet-elcho yuripaq Dios. Saychömi rumita jawiykur aceitita winapar sirvimänaykipaq promitimarqayki. Kananqa yurishqayki Canaánman kutikuy> >>.

Génesis 31:45

Sayno niptinmi juk wanka rumita señalpaq Jacob jawirqan.

Génesis 35:14

Saymi Tayta Dioswan parlashqan kaqcho wanka rumita Jacob ichisirqan. Nirkurmi Tayta Diosta adorashpan say wanka jananman vïnutawan aceitita winaparqan.

Génesis 35:20

Raquelta pampayashqan jananmanmi wankata Jacob ichisirqan señal kananpaq. Say wankami kananyaqpis musyasimansi maynincho Raquel pamparashqanta.

2 Samuel 18:18

Nawpatanami Absalónqa Reypa Pampan nishqancho monumentuta rurasikurqan: <> nir. Nirkurmi say monumentupa jutinta churaparqan Absalón jutin kananpaq. Saymi kananyaqpis say monumentuta <> niyan.

Salmo 119:60

Imanöpapis mandamientuykikunatami cumpliyta munaykä.

Eclesiastés 9:10

Sayno kaptinqa lapantapis kushish ruranki. Wanuskirnaqa manami imatapis rurankinasu, yachankinasu ni musyankinasu.

Isaías 19:19

Say junaqqa jinan Egiptuchömi Tayta Diospaq juk altarta perqayanqa. Lindërunchönami Tayta Diosta yarpäyänanpaq juk wankata ichisiyanqa.

Números 7:1

Sharkasiyta ushaskirnami sagrädu kananpaq Sagrädu Tolduman y lapan manëjunkunaman aceitita Moisés winaparqan. Saynölami altarman y altarpa manëjunkunamanpis aceitita winaparqan.

Josué 4:9

Saynölami Pactu Babulta umrush cürakuna ichiraykäyashqan kaqchöpis chunka ishkay rumikunata Josué qotusirqan. Say rumikunaqa kananyaqmi mayucho qoturaykan.

1 Samuel 7:12

Nirkurnami Samuel ichisirqan jatunkaray wankata Mizpa y Sen markakunapa lindëruncho. Say wankatami jutisirqan Eben-ezer jutin kananpaq. Jutinta sayno churaparqan: <> nirmi.