Génesis 24:1 - Tayta Diospa Wilakuynin

¹ Abraham awkinnami karqan. Saynöpis lapan rurashqankunachömi Tayta Dios payta yanaparqan.

Génesis 24:1 ပူးပေါင်းရင်းမြစ်များ

Génesis 12:2

<

Génesis 13:2

Abram seqaypa rïcu runami karqan. Saymi qorinpis qellayninpis uywankunapis aska karqan.

Génesis 18:11

Abrahamwan Saraqa chachayashnami kayarqan. Chakwanna kaptin killa qeshyanpis unaynami takyashna karqan.

Génesis 21:5

Abraham pachak (100) watayuq kaykaptinmi surin Isaac yurirqan.

Génesis 24:35

Tayta Diospa bendicionninwanmi patronnï Abraham seqaypa rïcuyash. Saymi uyshankuna, cabrankuna, wäkankuna, camëllunkuna y ashnunkunapis ali mirayash. Paypa askami olqupis warmipis ashmayninkuna kayä. Saynöpis aska qoriyuq y aska qellayyuqmi pay kaykan.

Génesis 25:20

Chusku chunka (40) watayuq kaykarmi Rebecawan Isaac majasakarqan. Rebecaqa karqan Betuelpa surinmi y Labánpa paninmi. Paykuna Padan-aramcho taq arameo runakunami kayarqan.

Génesis 26:12

Say wata Isaac saychömi murupakurqan. Tayta Dios bendicionninta churaptinmi shuntaytapis mana atipashqanyaq mikuynin wayuykurqan.

Génesis 49:25

Yärakushqä Tayta Dios yanapaykuläshunki. Lapanpaq munayyuq Tayta Dios jana pasapita pasa bendicionninta churaykalämusun. Pasa rurinpita yakutapis pashtaykasilämusun. Wamraykikunapis uywaykikunapis aska kayänanpaq bendicionninta churaykalämusun.

1 Reyes 1:1

Rey David pasaypa awkinna karmi mayjina pituyaptinpis qoñurirqansu.

Proverbios 10:22

Tayta Diospa bendicionninwanmi imaykansikunapis kaykan. Bendicionninta chaskirmi kushikunsi.

Isaías 51:2

Yarpäyay unay awiluyki Abrahampaq y Sarapaq. Qayashqä höra paykuna wamraynaqlami kayarqan. Bendicionnïta churaptïmi paypita miraqkuna askaman mirayarqan.

Mateo 6:33

Imaykapitapis mas puntataqa Tayta Dios mandaykashqancho kawayänaykipaq y pay munashqanno kawayänaykipaq yarpachakuyay. Sayno kawayaptikiqa imata munayashqaykitapis kamaripäyäshunkimi.

Lucas 1:7

Elisabet qoluq kaptinmi wawan karqansu. Paykuna ishkanpis chachanami kayarqan.

Gálatas 3:9

Saymi Tayta Diosman yärakur Abraham bendicionta chaskishqanno noqansipis bendicionta chaskiykansi.

Efesios 1:3

¡Señor Jesucristupa Papänin Tayta Dios alabash kaykuläsun! Jesucristucho kashqami gloriacho kaykaq imaykaläya bendicionninkunata qomashkansi.

1 Timoteo 4:8

Física rurayqa kay pasacho kawashqansiyaqlami ali kaykan. Tayta Dios munashqanno kawaymi isanqa kay pasacho y gloriachöpis ali kawanansipaq kaykan.