Génesis 2:5 - Tayta Diospa Wilakuynin

⁵ Tayta Dios manaraqmi tamyasimurqanraqsu. Saymi ima qewapis ni jachapis jeqamurqanraqsu. Saynöpis chakrata arunanpaq runapis manami karqanraqsu.

Génesis 2:5 ပူးပေါင်းရင်းမြစ်များ

Génesis 2:6

Say wisan pasapita yaku pashtamurmi intëru pasata ushmarqan.

Génesis 3:23

Saymi Edén huertapita Tayta Dios runata qarqurqan alpapita kamash kar chakracho arur kawananpaq.

Génesis 4:12

murupakushqaykipis wayunqasu. Saynölami jamayta mana tariypa maysaypapis purikunkipaq>>.

Génesis 4:2

Saypitanami yapay olqu wamrata wachar jutisirqan Abel jutin kananpaq. Abel winarkurnami uyshata y cabrata ashmakuq karqan. Caínnami chakra aruq karqan.

Job 5:10

Paymi tamyata tamyasimur chakrakunata oqusin.

Salmo 104:14

Uywakunapaq qewatapis winasimunki. Mikuyta shuntananpaq runa murushqantapis winasimunki.

Salmo 135:7

Kay pasapa kuchunpitami pukutayta sharkasin. Tamyamunanpaqpis maqakasimunmi. Churaraykäsishqanpitami wayratapis jorqamun.

Jeremías 10:12

Tayta Diosmi munayninwan kay pasata kamash. Yachaq kayninwanmi kay munduta takyasish. Yarpayyuq kayninwanmi jana pasatapis kamakäsish.

Jeremías 10:13

Pay mandaptinmi ciëlucho kaykaq yakupis qaparämun, pukutaypis pasapa kuchunpita sharkamun, tamyashqan höra elquypis asikyämun y wayrapis churaräkunanpita yarqaramun.

Jeremías 14:22

Kay pasacho ima ïdulupapis manami munaynin kansu tamyasimunanpaq. Ciëlupis manami kikilanpitaqa tamyasimunsu, sinöqa qamraqmi tamyasimunki, Tayta Dios. Lapan päsashqankunapis qampitami kaykan. Saymi salvayämänaykipaq qamlaman yärakayämü.

Mateo 5:45

Tayta Diosqa ali runakunapaq y mana ali runakunapaqpis intita jeqasimunmi. Saynölami ali runakunapaq y mana ali runakunapaqpis tamyasimun. Jana pasacho kaykaq Taytayki kuyapäkuq kashqanno qamkunapis kuyapäkuq karqa paypa wamranmi kaykäyanki.

Hebreos 6:7

Tamyawan ushmash chakraman murupakuyaptinqa alimi wayun. Say chakraqa Tayta Diospa bendicionnintami chaskin.