Génesis 15:17 - Tayta Diospa Wilakuynin

¹⁷ Pasa sakarkuptinnami qoshtaykaq shanshayuq kanala y qerupa puntancho rupaykaq ninapis yuriskirqan. Saykunami churaraykaq aysakuna chawpinpa päsarqan.

Génesis 15:17 ပူးပေါင်းရင်းမြစ်များ

Génesis 15:10

Sayno niptinmi Abram aparqan say uywakunata. Nirkur pula cuartunpa cuartusaykurmi frenti frenti churarqan. Palumatawan kulkushtami isanqa pulanpa cuartusarqansu.

2 Samuel 22:9

Senqanpitami qoshtaypis yarqamurqan. Shiminpitami ninapis yarqamurqan. Arquykaq shanshatapis aqtumurqanmi.

1 Reyes 18:38

Sayno manakuyta ushaskiptinmi ciëlupita nina ratamur usharqan pishtashqan turïtupa aysanta, yantata, perqaraykaq rumikunata y alpatapis. Altar nawpan zanjacho kaykaq yakutapis chipyaqmi sakisirqan.

1 Crónicas 21:26

Nirkurnami say ëracho altarta David rurarkasir rupasina sacrificiukunata y jawka kawakuy sacrificiukunata altarman churar Tayta Diosta manakurqan. David manakushqanta chaskishpanmi ciëlupita Tayta Dios altarman ninata sarisimurqan.

Éxodo 19:18

Sinaí jirkaman nina chawpincho Tayta Dios urämush kaptinmi imayka jornupita sharkuqnöraq yanawyaykaq qoshtay sharkuykarqan. Jirkakunapis fiyupami suksukyarqan.

Éxodo 20:18

Say hörami Israel runakuna wiyayarqan maqakuy bunrurushqanta y cornëtata tukamushqanta. Saynöpis rikayarqan elqukushqanta y jirka qoshnishqanta. Saymi fiyupa mansarir karulapita rikaräyarqan.

Isaías 62:1

Jerusalén, qamta kuyaykarqa manami upälakümansu. Tayta Dios munashqanno kawashqaykiyaq y contraykikunapita salvashushqaykiyaqmi wilapaykäshayki. Salvash karnami pasa waraptin inti asikyaqnöna kankipaq.

Jeremías 11:4

Unay aylluykikunatami Egiptucho fiërru jornuchöno nakaykäyaqta jorqamurqä. Paykunatami nirqä: <>.

Deuteronomio 4:20

Egiptucho pasaypa nakayashqaykipitami Tayta Dios jorqayämushurqayki paypa herencian kayänaykipaq. Saynölami kanan herencian kaykäyanki.

Jueces 13:20

Saymi altarpita nina sharkuptin warminwan Manoa rikayarqan Tayta Diospa angilnin nina chawpinpita jana pasaman wisaykaqta. Sayta rikaykurmi mansakäyashpan ishkanpis pasaman jukla lätakuykuyarqan.

Jueces 6:21

Saymi Tayta Diospa angilnin aysatawan tantata tukrunwan toqiykurqan. Saymi rumipita nina ratar aysata y levadüraynaq tantata rupar usharqan. Saypitanami Tayta Diospa angilnin elaqaskirqan.