Génesis 14:9 - Tayta Diospa Wilakuynin

⁹ Saychömi say pisqa reykuna chusku reykunawan pelyayarqan. Say chuskun reykunami kayarqan Elampa mandaqnin rey Quedorlaomer, Goimpa mandaqnin rey Tidal, Sinarpa mandaqnin rey Amrafel y Elasarpa mandaqnin rey Arioc.

Génesis 14:9 ပူးပေါင်းရင်းမြစ်များ

Génesis 10:22

Sempa surinkunami kayarqan Elam, Asur, Arfaxad, Lud y Aram.

Génesis 14:1

Say wisanmi Sinar markapa mandaqnin rey karqan Amrafel. Elasar markapa mandaqnin rey karqan Arioc. Elam markapa mandaqninmi karqan rey Quedorlaomer. Goim markapa mandaqninmi karqan rey Tidal.

Génesis 14:10

Sidim pampachöqa brea pözukuna askami karqan. Saymi Sodomapa y Gomorrapa mandaqnin reykuna soldädunkunawan guërrapita qeshpiykäyashqancho say brea pözukunaman jeqakurpuyarqan. Wakin kaq reykunami soldädunkunawan jalqakunapa qeshpiyarqan.

Génesis 14:8

Saymi Sodomapa, Gomorrapa, Admapa, Zeboimpa y Belapa mandaqnin reykuna kamarikuyarqan Sidim pampacho guërrata rurayänanpaq. (Bela markapa jukaq jutinmi karqan Zoar.)

Jeremías 49:34

Sedequías Judá nacionpa mandaqnin rey kayta qalaykuykashqan wisanmi Elam nación imano kananpaq kashqantapis Tayta Dios profëta Jeremíasta wilar nirqan: