Génesis 14:17 - Tayta Diospa Wilakuynin

¹⁷ Quedorlaomerta y payta yanapaq reykunata vinciykur Abram kutiykämuptinmi Sodoma markapa mandaqnin rey tariparqan Save pampaman. Say pampapa jukaq jutinmi kaykan Mandaq Reypa Pampan.

Génesis 14:17 ပူးပေါင်းရင်းမြစ်များ

Génesis 14:1

Say wisanmi Sinar markapa mandaqnin rey karqan Amrafel. Elasar markapa mandaqnin rey karqan Arioc. Elam markapa mandaqninmi karqan rey Quedorlaomer. Goim markapa mandaqninmi karqan rey Tidal.

Génesis 14:10

Sidim pampachöqa brea pözukuna askami karqan. Saymi Sodomapa y Gomorrapa mandaqnin reykuna soldädunkunawan guërrapita qeshpiykäyashqancho say brea pözukunaman jeqakurpuyarqan. Wakin kaq reykunami soldädunkunawan jalqakunapa qeshpiyarqan.

Génesis 14:5

Saymi juknin watachöna Quedorlaomer yanapaqnin reykunawan y soldädunkunawan aywayarqan Astarot Karnaimman. Saychönami refaíta runakunawan pelyayashpan paykunata asulayarqan. Saynölami Ham markapa aywar zuzita runakunatapis ushakäsiyarqan. Saypita Save-Quiriataimpa aywar emita runakunatapis asulayarqan.

2 Samuel 18:18

Nawpatanami Absalónqa Reypa Pampan nishqancho monumentuta rurasikurqan: <> nir. Nirkurmi say monumentupa jutinta churaparqan Absalón jutin kananpaq. Saymi kananyaqpis say monumentuta <> niyan.

Proverbios 14:20

Pobri runataqa imanpis mana kaptinmi kuyanakushqan amïgunpis ajayan. Rïcu runatami isanqa riquëzanpaq kash pïmaypis kuyan.

Proverbios 19:4

Rïcu runaqa aska amïguyuqmi kaykan. Pobri runapitaqa amïgunpis witikunmi.

Hebreos 7:1

Melquisedec karqan Salem markapa mandaqnin rey y poderyuq Tayta Diosta sirviq cürami. Guërracho reykunata vincishqanpita Abraham kutiykämuptinmi Melquisedec taripar Abrahamta bendicionta qoshpan Tayta Diosta manakurqan.

Jueces 11:34

Mizpaman kutir wayinman Jefté chaykaptinmi juklayla warmi surin panderëtata tukar tushuraykar tariparqan. Jeftépa manami mas surin karqansu olqupis ni warmipis.

1 Samuel 18:6

Goliatta David wanusishqanpita soldädukuna kutiyaptinmi Israel markakunapita warmikuna tinyankunata y panderëtankunata tukayashpan cantaraykar y danzaraykar rey Saúlta chaskikuq kushish yarquyarqan.