Génesis 14:11 - Tayta Diospa Wilakuynin

¹¹ Say pelyacho vinciq chusku reykunami soldädunkunawan Sodoma y Gomorra markakunaman yaykur imaykantapis alinnin kaqtaqa lapanta apakuyarqan. Saynölami lapan mikuyninkunatapis apakuyarqan.

Génesis 14:11 ပူးပေါင်းရင်းမြစ်များ

Génesis 12:5

Canaánman aywakurmi warmin Saraita, sobrinun Lotta y Haráncho tarishqan lapan ashmayninkunata pushakurqan. Saynöpis uywankunata qatikurkur y lapan imaykankunatapis apakurkur aywakurqan. Canaánman chaykurnami

Génesis 14:10

Sidim pampachöqa brea pözukuna askami karqan. Saymi Sodomapa y Gomorrapa mandaqnin reykuna soldädunkunawan guërrapita qeshpiykäyashqancho say brea pözukunaman jeqakurpuyarqan. Wakin kaq reykunami soldädunkunawan jalqakunapa qeshpiyarqan.

Génesis 14:12

Abrampa sobrinun Lottapis Sodomacho taykaqtami prësu sarirkur lapan imaykankunatawan apakuyarqan.

Génesis 14:16

Nirkurmi lapan apaykäyashqanta qechur kutisiyämurqan. Saynöpami sobrinun Lottapis imaykankunatawan kutisiyämurqan. Warmitapis olqutapis prësu aywaykaqkunata kutisiyämurqanmi.

Génesis 14:21

Sodomapa mandaqnin reynami Abramta nirqan: <>.

Deuteronomio 28:31

Töruykita qechuyäshushpayki nawpaykicho pishtarpis manami yawasiyäshunkisu. Ashnuykita apakurpis manami kutisiyäshunkisu. Uyshaykita y cabraykita apakuyaptinpis manami pipis qechüsiyäshunkisu.

Deuteronomio 28:35

Tayta Diosmi qonqurnikikunachöpis chankaykikunachöpis qeriwan qeshyasiyäshunki. Saynölami qeri ushayäshunki chaki puntaykikunapita uma jirkaykikunayaq. Say qerita imawan jampirpis manami aliyäyankisu.

Deuteronomio 28:51

Say soldädukunaqa uywaykikunatapis mikuynikikunatapis chipyaqmi apakuyanqa. Lapanta apakur manami kachapäyäshunkisu trïgutapis, vïnutapis, aceititapis, ni ima uywaykipa wawankunalatapis. Lapanta ushayaptinmi pasaypa mikanaylawan wanuyanki.