Génesis 14:10 - Tayta Diospa Wilakuynin

¹⁰ Sidim pampachöqa brea pözukuna askami karqan. Saymi Sodomapa y Gomorrapa mandaqnin reykuna soldädunkunawan guërrapita qeshpiykäyashqancho say brea pözukunaman jeqakurpuyarqan. Wakin kaq reykunami soldädunkunawan jalqakunapa qeshpiyarqan.

Génesis 14:10 ပူးပေါင်းရင်းမြစ်များ

Génesis 11:3

Paykunami wilanakur niyarqan: <>. Saymi wilanakuyashqannöla ladrilluta rurayarqan rumipa trukan saywan perqayänanpaq. Say ladrillukunatami breawan perqayarqan.

Génesis 14:11

Say pelyacho vinciq chusku reykunami soldädunkunawan Sodoma y Gomorra markakunaman yaykur imaykantapis alinnin kaqtaqa lapanta apakuyarqan. Saynölami lapan mikuyninkunatapis apakuyarqan.

Génesis 14:17

Quedorlaomerta y payta yanapaq reykunata vinciykur Abram kutiykämuptinmi Sodoma markapa mandaqnin rey tariparqan Save pampaman. Say pampapa jukaq jutinmi kaykan Mandaq Reypa Pampan.

Génesis 14:21

Sodomapa mandaqnin reynami Abramta nirqan: <>.

Génesis 14:3

Say pisqantin reykunami soldädunkunata shuntayarqan Sidim pampaman. Say pampachömi kananqa Kachi Lamar kaykan.

Génesis 14:9

Saychömi say pisqa reykuna chusku reykunawan pelyayarqan. Say chuskun reykunami kayarqan Elampa mandaqnin rey Quedorlaomer, Goimpa mandaqnin rey Tidal, Sinarpa mandaqnin rey Amrafel y Elasarpa mandaqnin rey Arioc.

Génesis 19:17

Markapita karucho kaykäyaptinnami juknin ángel nirqan: <>.

Génesis 19:30

Saypitami Zoarlacho tayta Lot fiyupa mansarirqan. Saymi ishkan warmi surinkunawan jalqaman aywakur machaylacho täyarqan.

Salmo 83:10

10 (11) Endorchömi paykunata ushakäsirqayki. Ayankunapis saychömi ismur jitaräyarqan.

Isaías 24:18

Löcu tamyami fiyupa tamyamunqa. Kay pasata tuknarämuqkunapis pasaypami suksukyäyanqa. Mansariypaq kaptinmi qeshpiq kaqqa uchkuman jeqanqa. Uchkupita yarquq kaqnami toqlaman ishkinqa.

Jeremías 48:44

Mansariypita qeshpiq kaqqa uchkumanmi jeqanqa. Uchkupita yarquq kaqtanami toqla sarinqa. Say wisanmi moabita runakunata castigashaq. Noqa Tayta Diosmi sayno nï.

Josué 8:24

Qatipaq runakunata wanusir ushaskirnami Israel runakuna Hai markaman kutiykur lapan saycho quëdaqkunata wanusiyarqan.