Génesis 13:2 - Tayta Diospa Wilakuynin

² Abram seqaypa rïcu runami karqan. Saymi qorinpis qellayninpis uywankunapis aska karqan.

Génesis 13:2 ပူးပေါင်းရင်းမြစ်များ

Génesis 12:16

Saraita palaciuncho sarararmi Abramta qararqan uyshakunata, cabrakunata, wäkakunata, ashnukunata y camëllukunatapis. Saynölami ashmayninkunapaq olqutapis warmitapis qararqan.

Génesis 13:6

Saysika uywankuna kaptinmi juk partilacho ishkan täyänanpaqqa ayparqannasu.

Génesis 24:1

Abraham awkinnami karqan. Saynöpis lapan rurashqankunachömi Tayta Dios payta yanaparqan.

Génesis 24:35

Tayta Diospa bendicionninwanmi patronnï Abraham seqaypa rïcuyash. Saymi uyshankuna, cabrankuna, wäkankuna, camëllunkuna y ashnunkunapis ali mirayash. Paypa askami olqupis warmipis ashmayninkuna kayä. Saynöpis aska qoriyuq y aska qellayyuqmi pay kaykan.

Génesis 26:14

Uyshankunapis, cabrankunapis, wäkankunapis askamanmi mirayarqan. Chakranta arupäyänanpaq ashmayninkunapis askaqmi kayarqan. Sayno rïcuyaptinmi filisteo runakuna chikiyashpan

Génesis 30:43

Saynöpami uyshankuna cabrankuna askaman mirayaptin Jacob pasaypa rïcuyarqan. Camëllunkunapis ashnunkunapis saysikami karqan. Saynölami ashmayninkuna warmipis olqupis askaq kayarqan.

Job 1:10

Pipis payta yatananta mana munarmi ayllunkunata y imaykankunatapis sapaykanki. Saynöpis chakrancho mikuyninkunaman bendicionta churapaptikimi lapan runakunapitapis mas aska uywayuq kaykan.

Job 1:3

Saynölami karqan qanchis waranqa (7,000) uyshankuna, kimsa waranqa (3,000) camëllunkuna, pisqa pachak (500) yuntankuna, pisqa pachak (500) ashnunkuna y askaq ashmayninkunapis. Tashqan kaqchöqa lapanpitapis mas rïcu y respitashqami karqan.

Proverbios 10:22

Tayta Diospa bendicionninwanmi imaykansikunapis kaykan. Bendicionninta chaskirmi kushikunsi.

Mateo 6:33

Imaykapitapis mas puntataqa Tayta Dios mandaykashqancho kawayänaykipaq y pay munashqanno kawayänaykipaq yarpachakuyay. Sayno kawayaptikiqa imata munayashqaykitapis kamaripäyäshunkimi.

Deuteronomio 8:18

Saypa trukanqa tantiyakuyanki lapan imaykata tariyänaykipaq Tayta Dios yanapäyäshushqaykita. Sayno yanapaykäyäshunki unay ayllunsikunawan pactu rurashqanta cumplirmi.

1 Timoteo 4:8

Física rurayqa kay pasacho kawashqansiyaqlami ali kaykan. Tayta Dios munashqanno kawaymi isanqa kay pasacho y gloriachöpis ali kawanansipaq kaykan.

1 Samuel 2:7

Tayta Diosmi muchuq kanansipaqpis y poquq kanansipaqpis destinamansi. Paymi ali rikash kanansipaq y mana ali rikash kanansipaqpis churamansi.