Génesis 13:18 - Tayta Diospa Wilakuynin

¹⁸ Tayta Dios sayno niptinmi lapan imaykankunatapis apakurkur Hebrón marka cercanman Abram aywakurqan. Saychömi karqan aska encina jachakuna. Say jachakuna karqan Mamre runapami. Saycho tarnami altarta Abram perqarqan Tayta Diosta adorar manakunanpaq.

Génesis 13:18 ပူးပေါင်းရင်းမြစ်များ

Génesis 13:4

Saychömi altarta unaypis perqashqan kaqcho Tayta Diosta manakur adorarqan.

Génesis 14:13

Sayno apaykäyaptinmi juk runa qeshpiykur Abramta wilaq aywarqan. (Abramqa hebreo runami karqan. Pay taykarqan Mamripa encina munti chakranchömi. Mamre karqan amorreo runami y Escolpa y Anerpa wawqinmi. Paykunaqa Abramwan yanapänakuyänanpaqmi wilanakush kayarqan.)

Génesis 18:1

Mamre runapa chakrancho encina jachakuna kaqcho taykaptinmi Abrahamta Tayta Dios yuriparqan. Say höra fuerti achaptinmi toldun punkucho Abraham lantukur jamaraykarqan.

Génesis 22:9

Tayta Dios rikasishqan jirkaman chaykurmi altarta Abraham perqarqan. Say altar jananmanmi yantata shumaq churarqan. Nirkurnami surin Isaacta pankarkur yanta jananman jitarkurqan.

Génesis 23:2

Quiriat-Arbacho kaykarmi Sara wanurqan. Quiriat-Arbapa jukaq jutinmi kaykan Hebrón. Say kaykan Canaánchömi. Sara wanuykuptinmi Abraham fiyupa waqashpan lüturqan.

Génesis 26:25

Saychömi altarta perqarkur Tayta Diosta Isaac adorarqan. Saycho taptinmi ashmayninkuna juk pözuta uchkuyarqan yakuta jipiyänanpaq.

Génesis 35:27

Saypitanami Jacob aywarqan Mamre partiman taytan Isaacta watukashpan. Mamre karqan Quiriat-Arba cercanchömi. Quiriat-Arbapa jukaq jutin kaykan Hebrónmi. Saychömi Abrahampis unay tarqan.

Génesis 37:14

Saymi papänin nirqan: <>. Sayno nirmi Hebrón pampapita Joséta Israel kacharqan Siquem jirkakunapa.

Génesis 8:20

Yarquskirnami Noé juk altarta perqarqan Tayta Diosta adorananpaq. Nirkurmi cada ayllu püru kaq uywakunapita y pajaqkunapita pishtarkur altarcho sacrificiuta rupasirqan.

2 Samuel 2:1

Saypitanami Tayta Diosta David tapukur nirqan: <<¿Judácho mayqan markamanpis kutïmanku o manaku?>> Saymi Tayta Dios nirqan: <>. Niptinmi David tapurqan: <<¿Mayqan markamantaq kutïman, Taytay?>> nir. Niptinmi nirqan: <>.

Salmo 16:8

Tayta Dioslapaqmi imay hörapis yarparaykä. Aluq kaq nawpächo karmi imaypis yanapaykäman.

Números 13:22

Neguevpa päsarmi Hebrón markaman chäyarqan. Saychömi taykäyarqan Anacpita miraq Ahimán runakuna, Sesai runakuna y Talmai runakunapis. Hebrón markata sharkasiyashqanpita qanchis watataraqmi Egiptucho Zoán markata sharkasiyarqan.

1 Timoteo 2:8

Noqa munä maycho shuntakarpis mana rimanakuypa ni pitapis mana nanaparaypa wawqikuna makinkunata joqarkur Tayta Diosta manakuyänantami.

Hebreos 11:9

Tayta Dios promitishqan nacionman charpis payman yärakurmi toldukunalacho jäpa runanöla tarqan. Abrahamtano Tayta Dios promitiptinmi Isaacpis y Jacobpis saynöla täyarqan.

Josué 14:13

Sayno manakuptinmi Jefonipa surin Calebta bendicionninta qor Hebrón partita Josué qoykurqan posisionnin kananpaq.

Josué 15:13

Tayta Dios nishqannölami Jefonipa surin Calebta Josué posisionta aypurqan Judá trïbu runakunapa posisionnincho. Saynöpami Caleb chaskirqan Quiriat-arbata. Say markata sharkasiq Arba jutiyuq runapitami anaceo runakuna mirayarqan. Quiriat-arbapa jukaq jutinmi Hebrón kaykan.