Génesis 13:13 - Tayta Diospa Wilakuynin

¹³ Sodomachöqa Tayta Diosta mana cäsukur jusalikuq runakunalami täyarqan.

Génesis 13:13 ပူးပေါင်းရင်းမြစ်များ

Génesis 10:9

Nimrodmi Tayta Dios yanapaptin jirka uywakunata sariyta yacharqan. Saymi pipis jirka uywakunata ali sariq kaptin niyaq: <>.

Génesis 15:16

Chusku pachak wata päsarkuptinnami qampita miraqkuna kay taykashqaykiman kutiyämunqa. Kutiyämunanpaqqa kaycho taykaq amorreo runakunapa jusankuna seqaypa poqushnami kaykanqa>>.

Génesis 18:20

Sayno yarpachakurirmi Abrahamta Tayta Dios nirqan: <

Génesis 19:13

Askaqmi Tayta Diosman quejakuyash kay markacho runakuna jusalikuq kayashqanta. Sayno jusasapa kayaptinmi noqakunata kachayämash kay markata chipyaq ushakäsiyänäpaq>>.

Génesis 38:7

Erqa yaqa runa kashpan manami Tayta Dios munashqannösu kawarqan. Sayno mana cäsukushqanpitami Tayta Dios wanusirqan.

Génesis 39:9

Patronnï manami noqata yärakamashqannöqa pitapis yärakunsu. Qamtami isanqa warmin kaptiki makïman churamushushkankisu. Sayno yärakaykämaptinqa ¿imanöparaq Tayta Diosta rabyanäsir jusaliküman?>>

Génesis 6:11

Tayta Diosmi rikarqan kay pasacho runakuna pasaypa jusalikur y wanusinakular kawaykäyashqanta.

2 Reyes 21:6

Juk diosta adorashpanmi surintapis altarcho Manasés rupasirqan. Saynöpis rikakuq y brüjumi karqan. Payqa almakunawan parlaqkunatapis tapukurqanmi. Sayno mana alikunata rurarmi Tayta Diosta fiyupa rabyanäsirqan.

Isaías 1:9

Lapanta mandaq Tayta Dios juk ishkaylatapis kawaykaqta mana kacharimashqaqa Sodomano y Gomorranömi ushakashwan karqan.

Jeremías 23:14

Say profëtakunapitaqa Jerusaléncho kaykaq profëtakuna peormi kaykäyan. Paykunaqa runayuq warmikunawanmi kakuyan, lulakuyan y fiyu runakunata shakyäsiyan lutanta rurayänanpaq. Sodoma y Gomorra markakunacho taqkunanömi profëtakuna jusalikuykäyan. Sayno kayaptinmi jusalikuyta pipis kacharinsu>>.

Jeremías 23:24

Noqapita ¿piraq pakakunman? Jana pasachöpis kay pasachöpis kaykämi. Noqa Tayta Diosmi sayno nï.

Números 32:23

Mana cumplirmi isanqa Tayta Diospa nawpancho jusayuq kar paypa makinpita imanöpapis qeshpiyankisu.

Mateo 9:10

Saypitanami wayincho mikuyänanpaq Jesústa Mateo qayasirqan. Saychömi impuestu cobraq runakuna y jusasapa runakunapis Jesúswan y discïpulunkunawan mikuyarqan.

Mateo 9:13

Tayta Diospa palabrancho imata nishqantapis yachakuyay. Saychöqa kaynömi nikan: . Noqa manami jusaynaq runakunamansu shamushkä, saypa trukanqa [jusalikuyta wanakuyänanpaq] jusasapa runakunamanmi>>.

Juan 9:24

Saymi qapra kashqanpita aliyash runata autoridäkuna yapay qayaykasir tapuyarqan: <>.

Juan 9:31

Musyansimi jusasapakunataqa Tayta Dios mana cäsupashqanta. Payta mansapakur munashqanno kawaqkunatami isanqa yanapan.

Romanos 1:27

Saynölami runakunapis warmiwan täyänanpa trukan olqupura warmiwannöpis penqakuypaq kakuyan. Jusalikuyashqanman tupumi paykunata Tayta Dios castigaykan.

Hebreos 4:13

Lapan kamashqankuna nawilancho kaptinmi Tayta Diospita pakakuyta kamäpakunsisu. Imata rurashqapis payqa rikaykämansimi. Imanöpis kawashqansiman tupumi payta cuentata qoshun.

2 Pedro 2:10

Mas fiyupami castiganqa shanaripakur pïmaywanpis kakuqkunata. Say runakunaqa Tayta Diostapis manami cäsukuyansu. Yachaq tukuyashpanmi supaykunatapis mana mansapaypa ashliyan.

Judas 1:7

Saynölami Sodomacho, Gomorracho y cercan markakunacho taq runakunapis fiyupa penqaypaq jusalikuyarqan. Saymi runakuna tantiyakuyänanpaq say markakunata Tayta Dios ninawan ushakäsirqan.

1 Samuel 15:18

Saymi jusasapa kayashqanpita amalecita runakunata uywantinta lapanta ushakäsinaykipaq Tayta Dios kachashurqayki.

1 Samuel 2:17

Sacrificiupaq uywata apayämuptin sayno rurarmi Elípa surinkuna Tayta Diosta pasaypa rabyanäsiyarqan.