Génesis 12:8 - Tayta Diospa Wilakuynin

⁸ Saypitanami inti jeqamunan kaqlä Bet-el simpan jalqaman aywakurqan. Saychömi toldunta ichisir tarqan. Saychöpis juk altarta perqarkurmi Tayta Diosta manakur adorarqan. Tashqan kaqpita inti jeqanan kaqlächömi Bet-el marka karqan. Hai markanami kaykarqan inti jeqamunan kaqlächo.

Génesis 12:8 ပူးပေါင်းရင်းမြစ်များ

Génesis 13:18

Tayta Dios sayno niptinmi lapan imaykankunatapis apakurkur Hebrón marka cercanman Abram aywakurqan. Saychömi karqan aska encina jachakuna. Say jachakuna karqan Mamre runapami. Saycho tarnami altarta Abram perqarqan Tayta Diosta adorar manakunanpaq.

Génesis 13:3

Neguevpita cercaman cercaman aywarmi Bet-elman Abram charqan. Saypitanami kutikurqan nawpata tashqan kaqman. Say karqan Bet-elpita Haiman aywanachömi.

Génesis 13:4

Saychömi altarta unaypis perqashqan kaqcho Tayta Diosta manakur adorarqan.

Génesis 21:33

Beersebachömi Abraham plantarqan tamarisco jachata. Saychömi imayyaqpis kawaq Tayta Diosta manakur adorarqan.

Génesis 22:9

Tayta Dios rikasishqan jirkaman chaykurmi altarta Abraham perqarqan. Say altar jananmanmi yantata shumaq churarqan. Nirkurnami surin Isaacta pankarkur yanta jananman jitarkurqan.

Génesis 26:25

Saychömi altarta perqarkur Tayta Diosta Isaac adorarqan. Saycho taptinmi ashmayninkuna juk pözuta uchkuyarqan yakuta jipiyänanpaq.

Génesis 28:19

Nawpataqa say cercancho kaq markapa jutin karqan Luz. Jacobnami say markata jutisirqan Bet-el jutin kananpaq.

Génesis 31:25

Galaad jalqakunacho Jacob posädakush kaykaptinmi Labán tariparqan. Saychömi Labánpis ayllunkunawan posädakuyarqan.

Génesis 33:20

Saychömi altarta Jacob perqaykur jutisirqan El-Elohe-Israel jutin kananpaq.

Génesis 35:3

Kanan Bet-elmannami aywakushun. Saychönami altarta perqashaq imaypis yanapämaq Tayta Diosta adoranansipaq. Paymi fiyupa nakar maypa puriptïpis yanapämash>>.

Génesis 35:7

Saychömi altarta Jacob perqarkur jutisirqan El-Bet-el jutin kananpaq. Sayno jutinta churaparqan wawqinpita qeshpir aywakuykaptin Tayta Dios saycho yuripashqanpitami.

Génesis 4:26

Setnami surin yuriykuptin jutin churaparqan Enós kananpaq. Enós kashqanpitaraqmi runakuna Tayta Diosta adorar qalaykuyarqan.

Génesis 8:20

Yarquskirnami Noé juk altarta perqarqan Tayta Diosta adorananpaq. Nirkurmi cada ayllu püru kaq uywakunapita y pajaqkunapita pishtarkur altarcho sacrificiuta rupasirqan.

Nehemías 11:31

Benjamín trïbu runakunami täyarqan Geba markacho, Micmas markacho, Aía markacho, Bet-el particho y caseriunkunacho,

Salmo 116:4

Tayta Diosta ruwakurmi nirqä: <<¡Tayta Dios, wanuypita salvaykalämay!>>

Éxodo 17:15

Saypitami Moisés juk altarta perqarkur jutisirqan Tayta Diosmi Bandërä nir.

Isaías 10:28

¡Asiria soldädukunaqa Ajat partimannami chäyash! ¡Saypita Migrón partipa aywar Micmas partimanpis chäyashnami!

Joel 2:32

32 (3.5) Sayno kaptinpis noqata manakamaq kaqtaqa pïmaytapis salvashaqmi. Promitishqänölami Sión lömacho kaykaq Jerusaléncho runakunata salvashaq. Qayashqä kaqkunataqa lapantami salvashaq>>.

Hechos 2:21

Sayno kaptinpis noqata manakamaq kaqtaqa pïmaytapis salvashaqmi>.

1 Corintios 1:2

Corinto markacho Tayta Dios kuyashqan yärakuq mayikuna: Qamkunapaqmi Tayta Dios kayno nirqan: <>. Sayno kayaptikimi qayayäshushkanki pay munashqanno santu kawayänaykipaq. Saynölami maycho täyaptinpis payman lapan yärakuqkunata qayash. Saymi Jesucristuqa paykunapapis y noqansipapis Señorninsi kaykan.

Hebreos 11:9

Tayta Dios promitishqan nacionman charpis payman yärakurmi toldukunalacho jäpa runanöla tarqan. Abrahamtano Tayta Dios promitiptinmi Isaacpis y Jacobpis saynöla täyarqan.

Josué 18:22

Bet-arabá, Zemaraim, Bet-el,

Josué 22:10

Rubén trïbu, Gad trïbu y pulan Manasés trïbu runakuna kutiykäyashqanchömi Jordán mayu kuchunman chaykur Canaán partipita manaraq simpar jatunkaray altarta perqayarqan.

Josué 7:2

Jericó markapitami runakunata Josué kacharqan Hai markata rikapakayämunanpaq. Hai markaqa Bet-elpita inti jeqamunan kaqläpa y Bet-avén marka cercanchömi karqan. Saymi paykuna aywar Hai markata rikapakayämurqan.

Josué 8:12

Saypitanami wakin runakuna pakaraykäyashqanman pisqa waranqatano (5,000) runakunata Josué kacharqan. Say runakunaqa inti jeqanan kaqlächo y Haipita Bet-elman aywanachömi pakaraykäyarqan.

Josué 8:17

Saymi markacho quëdaqkunata washänanpaq Hai markacho ni Bet-el markacho juk runalapis karqansu.

Josué 8:3

Sayno niptinmi Josué kimsa chunka waranqa (30,000) runakunata akrarqan pelyaq aywayänanpaq. Paykunata Hai markaman sakaypa kacharmi

Josué 8:30

Saypitanami Ebal jirkacho Israel runakuna yärakuyashqan Tayta Diospaq altarta Josué perqarqan.

Josué 8:9

Sayno nirmi paykunata Josué kacharqan Hai markaläpa päsar inti jeqanan kaqlächo pakakuyänanpaq. Nishqannölami aywar pakakuyarqan manaraq Bet-el markaman chäyashpan. Josuénami campamentulacho quëdarqan.

Jueces 6:24

Saymi Gedeónqa Tayta Diospaq altarta ruraskir jutisirqan Yahweh-shalom jutin kananpaq. Say altar kananyaqmi Abiezer ayllu runakuna täyashqan Ofracho kaykan.

1 Samuel 30:27

Saynölami apasirqan Bet-elman, Neguev Ramotman, Jatirman,