Génesis 1:31 - Tayta Diospa Wilakuynin

³¹ Lapan kamashqankuna selläma ali kashqantami Tayta Dios rikarqan. Saykunatami soqta kaq junaqcho kamarqan.

Génesis 1:31 ပူးပေါင်းရင်းမြစ်များ

Génesis 1:13

Saykunatami kimsa kaq junaqcho kamarqan.

Génesis 1:19

Saykunatami chusku kaq junaqcho kamarqan.

Génesis 1:23

Saykunatami pisqa kaq junaqcho kamarqan.

Génesis 1:5

Asikyaqpa jutintami churaparqan junaq kananpaq y sakaypatanami paqas kananpaq. Saykunatami kamarqan punta kaq junaqcho.

Génesis 1:8

Azulyaraykämuqpa jutintami Tayta Dios churaparqan jana pasa jutin kananpaq. Saykunatami kamarqan ishkay kaq junaqcho.

Génesis 2:2

Lapanta kamaskirnami qanchis kaq junaqcho Tayta Dios jamarqan.

Génesis 2:3

Sayno jamashqanpitami Tayta Dios say junaqta bendisishpan churarqan sagrädu junaq kananpaq.

Job 38:7

Say hörami waraq qoyllarkuna lapanpis cantayarqan. Saynölami angilnïkunapis pasaypa kushikuyarqan.

Salmo 104:24

Tayta Dios, imaykatapis qammi kamashkanki. Lapantapis shumaq tantiyaykurmi kamashkanki. Kay pasacho kamashqaykikuna maysaychömi kaykan.

Salmo 104:28

Kamaripaptikimi mikuyänanpaq shuntakuyan. Bendicionnikiwanmi pacha junta mikuyan.

Salmo 104:31

¡Tayta Dios imayyaqpis alabash kaykuläsun! ¡Kamashqanta rikar Tayta Dios kushikusun!

Salmo 119:68

Qamqa kuyapäkuq y alilata ruraqmi kaykanki. Estatütuykikunata yachaykasilämay.

Éxodo 20:11

Tayta Diospis jana pasata, kay pasata, lamarta y lapan imaykatapis soqta junaq kamarkurmi qanchis kaq junaqcho jamarqan. Sayno jamashqanpitami say junaqta bendisishpan sagrädu junaq kananpaq nirqan.

Éxodo 31:17

Jana pasatapis kay pasatapis soqta junaqcho kamarkurmi qanchis junaqcho jamarqä. Saymi Israel runakuna cäsukayämashqanta musyanäpaq say junaq señal kanqa>>.

Proverbios 16:4

Yarpashqanno kananpaqmi lapantapis Tayta Dios kamash. Yaqa runatapis kamash juzganan junaqcho castigananpaqmi.

Eclesiastés 3:11

Paymi lapantapis tiempulancho kamakäsin. Saynölami Tayta Dios kamakäsish mana ushakaq kaway kashqanta tantiyanansipaq. Sayno karpis manami tantiyayta atipansisu qalaykunanpita ushashqanyaq Tayta Dios imata rurashqantapis.

Lamentaciones 3:38

Jawka kawaypis o nakaycho kawaypis poderyuq Tayta Dios niptinraqmi kaykan.

Deuteronomio 32:4

Paymi imaykapitapis sapämansi. Imatapis alilatami ruran. Leyninkunapis alimi. Manami imaypis lulakunsu. Manami jusalikunsu. Rasun kaqlatami parlanpis.

1 Timoteo 4:4

Tayta Dios kamashqankunaqa lapanpis alimi kaykan. Majayuq kaypis Tayta Diospitami kaykan. Sayno kaykaptinqa payta agradëcikur mikuytapis y majayuq kaytapis manakaqman ama churashunsu.

1 Timoteo 4:5

Tayta Diospa palabranta tantiyakur y payta manakur agradëcikuptinsiqa mikuykunapis y majayuq kaypis alimi kaykan.