Gálatas 2:3 - Tayta Diospa Wilakuynin

³ Wilakushqäta tantiyasiptïmi ali kashqanta niyämarqan. Saynöpami mana Israel runa kashqanta musyarpis <> niyarqansu.

Gálatas 2:3 ပူးပေါင်းရင်းမြစ်များ

Hechos 15:24

Noqakuna musyayashkä wakin wawqikuna Jerusalénpita shamur lutanta yachasir lakikasiyäshushqaykitami. [Paykunaqa nikäyan Moiséspa leyninta cumplir señalakuyänaykipaq kashqantami.] Paykunata manami noqakuna kachayämushkäsu.

Hechos 16:3

Timoteupa taytan mana Israel runa kaptinmi pïmaypis musyayarqan Timoteo señaläni kashqanta. Saymi Pablo pushayta munar say kinraycho taq Israel runakuna mana jamuräyänanpaq Timoteuta señalasirqan.

2 Corintios 2:13

Sayno kaptinpis qamkuna kaqpita Tito mana mayakämuptinmi fiyupa lakikurqä. Saymi Troascho qoyänäpa trukanqa Tituta ashiq Macedonia provinciaman päsakurqä.

Gálatas 2:1

Saypita chunka chusku watataraqmi Tituta pushakurkur Bernabéwan Jerusalénman yapay kutirqä.

2 Timoteo 4:10

Wawqinsi Demasmi kikin munashqanno kawayta munashpan kacharimar Tesalónica markaman aywakush. Crescentita kachashkä Galacia provinciaman, Titutanami Dalmacia markaman.

Tito 1:4

Tito, noqa yärakushqäno Jesucristuman yärakurmi kuyay surïno kaykanki. Papäninsi Tayta Dios y salvamaqninsi Jesucristo kuyapäshushpayki ali kawanaykipaq yanapaykuläshunki.