Filemón 1:24 - Tayta Diospa Wilakuynin

²⁴ Saynölami wawqinsi Marcos, Aristarco, Demas y Lucaspis salüdunkunata apasikayämun. Paykunami lapanchöpis yanapaykäyäman.

Filemón 1:24 ပူးပေါင်းရင်းမြစ်များ

Hechos 12:12

Tayta Dios salvashqanta tantiyarnami Juanpa maman Maríapa wayinman aywakurqan. Juanpa jukaq jutinmi karqan Marcos. Saychömi askaq shuntakaykur Pedrupaq Tayta Diosta manakuykäyarqan.

Hechos 12:25

Bernabéwan Saulunami wawqi panikuna apasiyashqanta Jerusalénman chäsiyarqan. Nirkurmi Marcos niyashqan Juanta pushakurkur Antioquíaman kutikuyarqan.

Hechos 13:13

Saypitanami büquiman wisarkur Pafos markapita Panfiliacho kaykaq Perge markaman Pablo yanapaqninkunawan aywayarqan. Saycho paykunata kachariykurmi Marcos nishqan Juan Jerusalénman kutikurqan.

Hechos 19:29

Sayno niyashqanta wiyarmi say markacho taq wakin runakunapis pasaypa qayaräyarqan. Fiyupa rabyanäyashpanmi Gayutawan Aristarcuta coliseuman prësu apayarqan. Gayuwan Aristarcuqa Macedoniapitami Pabluta yanapar shayämush karqan.

Hechos 27:2

Saymi wisäyarqä Adramitiupita shamuq büquiman. Say büqui Asia provinciacho kaq puertukunaman aywananpaqmi yarquykarqan. Pabluta walkiyänäpaqmi Aristarcuwan aywayarqä. Aristarcuqa karqan Macedonia provinciacho Tesalónica markapitami.

2 Corintios 8:23

Tito pï kashqantapis tapuyäshuptiki wilayanki noqawan wilakur puriq kashqanta. Manami noqalata yanapämänanpaqsu sayno purin, sinöqa qamkunatapis yanapäyäshunaykipaqmi. Saynöla paywan shamuq ishkay wawqikunapita tapuyäshuptikipis wilayanki kaycho kaq wawqi panikuna paykunata kachayämushqanta y Cristo munashqanno ali kawaykäyashqanta.

Filipenses 2:25

Wawqinsi Epafroditutapis qamkuna kaqman kachamushaqmi. Alipaqmi payta kachaykayälämushkanki. Tayta Diospa soldädunno kashpanmi imano nakarpis yanapämash.

Filipenses 4:3

Wilakuq mayï, qamtapis ruwämi paykunata amistasinaykipaq. Jesucristupa wilakuyninta Clementiwan y wakin wilakuq mayïkunawanpis wilakuptï say warmikuna alimi yanapäyämash. Libru de la Vïdachömi paykunapa jutinkunapis qelqaraykäyan.

Colosenses 4:10

Noqawan prësu kaykaq wawqinsi Aristarcumi salüdunta apasikamun. Saynömi Bernabépa prïmun Marcuspis salüdunta apasikamun. Marcos chämuptin yäsishqänöla shumaq chaskikuykuyay.

Colosenses 4:14

Kuyanakuyashqä mëdicu Lucaswan Demaspis salüduntami qamkunapaq apasikayämun.

1 Pedro 5:13

Babiloniacho kaykaq wawqi panikunami salüdunkunata apasikayämun. Paykunatapis qamkunatapis Tayta Diosmi akrayäshushkanki. Saynömi kuyashqä wawqi Marcuspis salüdunta apasikamun.

3 Juan 1:8

Saymi Tayta Diospa wilakuqninkunataqa noqansi yanapänansi. Saynöpami paykunawan wilakuykaqno kashun.