Éxodo 8:13 - Tayta Diospa Wilakuynin

¹³ 13 (9) Moisés manakushqannöla Tayta Dios ruraptinmi lapan rasakkuna wanuyarqan wayikunacho, patiukunacho y chakrakunachöpis.

Éxodo 8:13 ပူးပေါင်းရင်းမြစ်များ

1 Crónicas 23:28

Levitakunaqa Tayta Diospa templunchömi Aarónpita miraq cürakunata yanapäyarqan. Saymi encargädu kayarqan templupa patiunta y saycho kaykaq cuartukunata täpakuyänanpaq. Saynöpis paykunami sagrädu manëjukunata maylayashpan purificayarqan. Templucho kaqtaqa wakin ruraytapis paykunami rurayarqan.

Salmo 105:31

Tayta Dios mandaptinmi upakurukunapis y chushpikunapis intëru Egiptuman juntäyarqan.

Éxodo 8:11

11 (7) Rasakkuna palaciuykicho wanur ushakäyaptinmi Nilo mayulachöna kanqa. Saynöpami qamta, mandäsishuqnikikunata ni pitapis fastidiayäshunkinasu>>.

Éxodo 8:12

12 (8) Sayno nirkurmi Moisés y Aarón aywakuyarqan Faraónpa palaciunpita. Nishqannölami Tayta Diosta Moisés manakurqan rasakkunata elaqäsinanpaq.

Éxodo 8:14

14 (10) Wanush rasakkunata muntun muntunraq shuntayaptinmi maysaychöpis fiyupa asyarqan.